3 Juan 1:10 - Ya Baru nga Tulag

¹⁰ Itu nga no umbe̍t tac nad iyan, ipalawag ku dakayun diya dake̍c nga wangwanglen na, ta uwed met kagkagiyen na nga dake̍c maipanggep dakami. Ket bekken nas nga iyan ya wangwanglen na nga dake̍c, ta no uwed kabsat tida ka pammati nga dumagus iyan, madi na da met awaten. Ket no uwed dakayu diya mayat nga umawat igida, paritan na da met, se̍ na da met pe̍ laskigen iya bungguy mamati yin.

3 Juan 1:10 Iomraidhean Croise

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Juan 9:22

Agten iyan ya kinagi diya naganac igina, ta mansing da kadito pangpangulu diya Hudyu. Ta naemmuwan da ngamin nga nagtutulagan dito pangpangulu diya Hudyu itun, nga no uwed mamati nga e̍ Je̍sus ya Kristu, ket ilaskig da da kanu iya pannakigimung da iya gigimungan nga pagdaydayawan da.

Aramid 1:15

Ket iya isa nga algew itun, naguurnung diya mamati. Agdagup ngata ka sangagasut ket duwa nga pulu da. Ginumnukat nge̍ Pe̍dru ket nagkagi igida, nga kinunen na,

2 Kurintu 13:2

Ket ito maikadduwa nga kauwed ku iyan nga edyan nu itun, binagbagaac dito nakabasul se̍ dakayu nga duduma pe̍. Ket itan, bagbagaan nakayu manin idi nga surat ku, orey awan nac iyan. Ket agten idi ya pamagbagac dakayun: Awan makalisi iya pananglinteg ku no uwed dac nad manin iyan.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

1 Timutyu 5:13

Se̍ bekken nas nga iyan, ta gangey da pekkem mas ya agsadut, nga mamaleybaley da ngas nga makiam-amlang. Ket agbalin nga panaguy-uyaw ya pannakiamlang da, ket makibibiyang da pe̍ kadiya bekken da nga rebbeng nga biyangan, se̍ madi da met annadan ya panagsapsaput da.

2 Juan 1:10

Ket iya agten iyan, no uwed umbe̍t iya edyan nu nga sabali ya panursuru na maipanggep e̍ Kristu, madi kayu met pauneggen iya baley nu. Madi kayu pe̍ orey kablaawan ya agten iyan nga toley.

2 Juan 1:12

Adu kuma pekkem diya ibagac dakayu, ngem madic gabay no isurat ku was ka pape̍l. Nabarbaru met no ibagac nad dakayu no makalbe̍t tac iyan, ta sacwaran nakayu nad kuma. Ket nad no makapagsisingen tidan, awan ngarud pagkurangan niya panaganggem tidan.

3 Juan 1:3

Emmuc nga nabaru nga tutu ya nakem mu, ta uwed kakabsat tida nga inumbe̍t idi, ket naragsakan nac nga unay gapu ito nipadamag da iyaken. Ta nibaga da ya napudnu nga panagbiyag mu, nga sumursurut ka kanu iya pudnu nga pammati.

3 Juan 1:5

Patgec nga gayyem, maitutup met iya pammati tida ya panagrispitar mu kadiya kakabsat tida ka pammati, orey no madi mu da em-emmu.