2 Juan 1:8 - Ya Baru nga Tulag

⁸ Dikad pe̍ agannad kayu ngarud, tasun madi mapirdi ya pagbanagan niya panagbannug mi para dakayu, nga madi ngarud macsayan ya igun-guna nad ne̍ Apu Diyus dakayu.

2 Juan 1:8 Iomraidhean Croise

Matyu 24:4

Ket kinunen ne̍ Je̍sus igida, “Agannad kayu ngarud tasun awan kuma mangiyaw-awan dakayu maipanggep iyan nga timpu.

Markus 13:23

Dikad pe̍ annadan nu diya agten kadiyan. Ngarud, nipakaemmuc amin didi dakayun sacbay nga mapasamac da.”

Markus 13:9

“Ngem agannad kayu lugud, ta maiyawat kayu nad kadiya kunse̍hus da. Ket mabaut kayu nad pe̍ iya uneg mettas diya gigimungan, se̍ maisangu kayu nad met kadiya agtuturay se̍ ar-ari gapu mettas iyaken. Ket itu nad ya gundaway nun nga mangipakaemmu maipanggep iyaken.

Lukas 19:19

“Ket kinunen nito ari igina, ‘Ket ikew, pagturayen naka ka lima nga ili,’ kunen na.

Lukas 21:8

Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Juan 4:36

Ket ya mawe̍ aggani, matangdanan ngarud orey itan. Ta ya maapit na, itu diya mairaman iya biyag nga agnanayun. Ket iya agten iyan, agpadpada nga agragsac ya agmula se̍ ya aggani.

1 Kurintu 15:8

Ket ya kaodiyan, iyaken pe̍ yin ya nagpasingnan na, nga iyaken nga arig nga isa nga naiyanac kin orey bekken na pekkem nga reppat.

1 Kurintu 3:14

Ket magun-gunaan nad ngarud ya toley no makalasat iya apuy diya arig nga inallawagi na iya sap-ew nito nagsaadan nito baley.

1 Kurintu 3:8

Ket awan pe̍ pagdumaan niya agmula se̍ ya agbuyat, ta agpada da nga gun-gunaan ne̍ Apu Diyus sigun mettas iya panangtungpal da iya wangel da.

Galasiya 3:4

Ape̍? Awan aya mamaay nan dito amin nga napasamac dakayu ito damu? Uwed met!

Galasiya 4:11

Ay-ay, madanagan nac dakayun, ta kaynun no awan mamaay nito panagbannug ku para dakayun.

Pilipus 3:16

Ket ita, ya kasapulan tidan, ket itu ya panangtungpal tida kuma ngarudin kadito amin nga naipakaemmu dactidan nga maikanatad iya panamati tida.

He̍briyu 10:32

Ngem ita, laglagipen nu kuma to kasasaad nu ito damu nu pekkem ya makaawat maipanggep iya pammati tida, nga arig nga nawadaan kayun. Ta itun, situtured nga inan-anusan nu to panagsagaba nu gapu iya nakaru nga panagrigat nu itun.

He̍briyu 10:35

Dikad pe̍ madi kayu kuma pukawen yan nga kinatalged nu, ta nabaru nga unay ya pagbanagan na nga gun-guna.

He̍briyu 12:15

Agannad kayu ngarud tasun awan dakayu ya manglikud iya siaayat nga asi ne̍ Apu Diyus. Ket annadan nu pe̍ tasun awan kuma dakayu ya pakaigapuwan niya panagbasul, nga arig nga gamut niya kayu nga mange̍cde̍ ka nape̍t. Ta kaynun no makaalis pe̍ iya kaaduwan ya kinadake̍c niyan nga toley, nga mangriribuc igida.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.