2 Juan 1:10 - Ya Baru nga Tulag

¹⁰ Ket iya agten iyan, no uwed umbe̍t iya edyan nu nga sabali ya panursuru na maipanggep e̍ Kristu, madi kayu met pauneggen iya baley nu. Madi kayu pe̍ orey kablaawan ya agten iyan nga toley.

2 Juan 1:10 Iomraidhean Croise

Aramid 15:23

Ket uwed nisurat da nga nipakagtu da igida. Ket agten idi to nisurat da: “Dakami nga kakabsat nu nga apustule̍s se̍ panglakayen ennid He̍rusale̍m, agsurat kami dakayu nga kakabsat mi ka pammati nga bekken nga Hudyu enna Antiyakiya se̍ Sirya se̍ Silisiya. Kablaawan dakayu.

1 Kurintu 16:22

Ket no uwed da madi mangipateg iya Apu, mailunud da ngas kuma. Sapay kuma ta umbe̍t ka ngarudin, Apu!

1 Kurintu 5:11

Ya kayat ku nga kagiyen nga gennung, ket ya orey nagan na nga ibilang na ya beggi na nga kabsat nu ka pammati, itu ya di kayu kuma ibulubulun, no isa nga agbasbasul ka pannakikamalala, winno agagum, winno isa nga agtungpal ka didiyusen, winno mamadpadake̍c, winno age̍ng-e̍nglew, winno agtakew. Ngarud, no diya agten iyan nga toley, madi kayu makisangu igida orey no mangan.

2 Te̍salunika 3:14

Ket no uwed toley nga madi na gabay ya agtungpal kadiya isursuru mi idi nga surat, ket tandaanan nu yan nga toley se̍ madi kayu makibulubulun igina, tasun malyew kuma.

2 Te̍salunika 3:6

Kakabsat, gapu iya turay nga ne̍cde̍ niya Apu tida nga Je̍su Kristu dakami, ibilin mi dakayu nga adeyyuwan nu diya amin nga kakabsat nga nasadut se̍ agbibiyag ka madi maikanatad kadito nisursuru mi dakayu.

Titu 3:10

Ket ya toley nga gabay na nga riribuken ya bungguy mamati gapu iya sabali nga panursuru na, ket patigmaanam ngarud. Ngem no madi naka ipangag kalpasan niya maikadduwa nga panangpatigmaan mu igina, ket madi ka makibiyang iyan nga toley yin.

2 Juan 1:11

Ta ya mangkablaaw igina, maitipun mettin kadiya dake̍c nga wangwangel na.

3 Juan 1:10

Itu nga no umbe̍t tac nad iyan, ipalawag ku dakayun diya dake̍c nga wangwanglen na, ta uwed met kagkagiyen na nga dake̍c maipanggep dakami. Ket bekken nas nga iyan ya wangwanglen na nga dake̍c, ta no uwed kabsat tida ka pammati nga dumagus iyan, madi na da met awaten. Ket no uwed dakayu diya mayat nga umawat igida, paritan na da met, se̍ na da met pe̍ laskigen iya bungguy mamati yin.