2 Juan 1:1 - Ya Baru nga Tulag

¹ Iyaken ya panglakayen. Agsurat tac ikew, manang nga pinili ne̍ Apu Diyus, se̍ kadiya an-anac mu. Sipupudnu wac nga agayat dakayu, ket bekken nas nga iiyaken ya agayat dakayu, no di pe̍ diya amin nga makaemmu iya pudnu maipanggep iya pammati tida.

2 Juan 1:1 Iomraidhean Croise

Lukas 1:3

Ket ita, Apu Tiyupilu, nabaru kunec no isurat ku pe̍ didi nga banbanag ikew, ta inadal ku nga nalaing manipud ito pannakairugi da. Itu nga isurat ku ikew ka naurnus,

Juan 8:32

Ket iya agten iyan, maemmuwan nu ya kinapudnu win. Ket ya kinapudnu ngarud ya pakawayawayaan nu,” kunen na.

Aramid 11:30

Nipakagtu da ngarud kade̍ Be̍rnabe̍ nge̍ Saulu to nakadagupan dito e̍cde̍ da kadiya panglakayen dito mamati ka He̍rusale̍m.

Ruma 16:13

Pakumustaac nge̍ Rupu nga isa nga nalatac nga agsirsirbi iya Apu, agraman ya ina na nga ibilang ku pe̍ nga arig nga inac.

Galasiya 2:14

Ngem ito nadlaw ku nga bekken nga kustu ya winangwangel da, gapu ta bekken nga maitutup iya banag niya panursuru maipanggep iya Makaparagsac nga Damag, nilbec ku ngarud nge̍ Pe̍dru iya imatang da mettas nga amin. Kinunec ngarud igina, “Isa ka nga Hudyu, ngem itun, tinultulad mu met diya ug-ugali diya bekken nga Hudyu, nga madi ka tinungpal diya ug-ugali diya Hudyu. Ape̍ ipapilit mu ita kadiya bekken nga Hudyu ya panangtungpal kadiya ug-ugali Hudyu?” kunec.

Galasiya 2:5

Ngem pulus nga madi kami nituluc to gabay da, ta madi mi gabay no mariribuc ya kinapudnu nga nisursuruc dakayu, nga itu ya Makaparagsac nga Damag.

Galasiya 3:1

Nagkapsut ket lugud niya pannakaawat nu nga iGalasiya ngin! Ta ape̍ naglaka kayu nga naiyaw-awanin? Nabatad met dakayu itun to pannakailawlawag nito pannakapatey ne̍ Je̍su Kristu ito krus.

Galasiya 5:7

Nabaru met to panamati nu itun, nga arig kayu met nga nalaing nga managtag nga makilumlumba. Ngem nagan kad ya nangtiped dakayu iya isusurut nu iya kinapudnu?

Kulusas 1:5

Ket idi nga panamati nu se̍ panagayat nu, maitutup met iya namnamaen nu, nga itu ya namnama nga naisagana para dakayu ka langit. Nadamag nu ya maipanggep iyan nga namnama ito naipakaemmu dakayu ya kinapudnu itun, nga itu mettas ya Makaparagsac nga Damag.

1 Timutyu 2:4

Ta e̍ Apu Diyus, tarigagayan na met nga maisalakan diya amin nga toley, nga maemmuwan da kuma no nagan ya pudnu maipanggep igina.

He̍briyu 10:26

Agten iyan kuma ngarud, ta ya kinapudnu na, no naemmuwan tidan ya kinapudnu maipanggep iya pammati tida, ngem guraten tida pekkem ya agbasbasul, ket awan met sabali nga datun nga pakapakawanan diya basul tidan.

1 Pe̍dru 1:2

Suratan nakayu nga napili na maikanatad iya sigud nga panggep ne̍ Apu Diyus nga Ama. Ket ya Ispiritu na, pinagbalin nakayu nga agpaay ngas igina, tasun sumurut kayu kuma e̍ Je̍su Kristu, se̍ tasun madalusan kayu gapu ito daga na, nga arig nga nawarsiyan kayu. Sapay kuma ta nawadwad ya siaayat nga asi, se̍ talna, nga gayat e̍ Apu Diyus nga naipaay dakayu.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

1 Pe̍dru 5:13

Ket ya bungguy mamati idi Babilunya nga pada nu nga pinili ne̍ Apu Diyus, pakumustaan dakayu kanu. Se̍ e̍ Markus pe̍ nga ibilang ku nga anac, agpakumusta kanu pe̍ dakayu.

1 Juan 2:21

Madic met kunen nga madi kayu pekkem emmu ya pudnu maipanggep iya pammati tida, ta emmu nu ngarudin. Ngem isurat ku yani dakayu gapu ta gabay ku was nga ipalagip dakayu, se̍ gapu ta emmu nu met nga awan busid nga tumaud iya kinapudnu.

1 Juan 3:18

Patpatgec nga an-anac, ya panagayat tida, ket bekken kuma ngas nga kagi tida winno kasaba tida ya patingga na, no di lugud ipasingen tida ya panagayat tida gapu kadiya wangwanglen tida, tasun pudnu kuma ya panagayat tida.

2 Juan 1:13

Pakumustaan daka diya anac niya kabsat mu nga pinili ne̍ Apu Diyus.

2 Juan 1:5

Ket itan, manang, ipalagip ku ikew to bilin nga agiinnayat tida kuma. Bekken met nga kabarbaru yani nga bilin nga isurat ku dakayu, ta itu to naibilin dactida manipud ito damu niya pammati tida.

3 Juan 1:1

Iyaken ya panglakayen. Agsurat tac ikew, patgec nga Gayu, nga ay-ayatec nga sipupudnu.