1 Juan 5:8 - Ya Baru nga Tulag

⁸ Uwed ya Ispiritu Santu, ya danum, se̍ ya daga. Ket agpapada met ya ipanecnec didi nga tellu nga pammanecnec.

1 Juan 5:8 Iomraidhean Croise

Matyu 28:19

Itu nga mawe̍ kayu kuma ngarud agpasurut kadiya toltoley kadiya amin nga pagpagiliyan, tasun umapu da iyaken. Bautisaran nu diya pasurut gapu iya turay nga uwed iya Ama, Anac, se̍ iya Ispiritu Santu.

Markus 14:56

Ta orey adu met dito nagkagi ka busid nga maikuntra igina, ket bekken met nga nagtutunus diya panangpabasul da igina.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 19:34

Ngem orey pe̍ no agten iyan, ket ya isa kadito suldadu, nidoyoc na latta ya say-ang na iya le̍pyong ne̍ Je̍sus, ket sigida nga uwed rinumwar nga daga se̍ danum.

Aramid 15:15

Naiyannatup met pe̍ yan ito kinunen nito mammadtu nga mangaskasaba itun, ta naisurat iya Bibliya nga,

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

2 Kurintu 1:22

E̍ Apu Diyus pe̍ ya nagmarka dactida iya arig nga marka nan, nga mangpanecnec dactida nga kuwa nactidan. Ta ne̍cdan nactida iya Ispiritu na iya lemlemmet tida, nga itu ya mangipanecnec pe̍ maipanggep kadiya nabaru nga maipaay nad dactida.

He̍briyu 13:12

Ket agten ngarud pe̍ iyan nge̍ Je̍sus, ta iya laskig niya siyudad to nagsagabaan na. Ket natey antuni tasun gapu iya daga na mettas, madalusan diya toltoley kadiya basbasul da.

He̍briyu 6:4

Agten tida kuma ngarud iyan, ta emmu tida nga diya toley nga sumina iya panamati da, awan lugud pagbabawiyan dan no tutu nga nakaawat dan. Ngarud, no naglak-am dan iya panangaasi ne̍ Apu Diyus se̍ iya kauwed niya Ispiritu Santu,

1 Pe̍dru 3:21

Ket ya pannakabautisar nu ita, maiyarig ito danum itun, ta itu pe̍ ya pakaisalakanan nu ita. Ngem bekken nga pakadalusan diya beggi nu ka rugit, no di itu ya panangipasingen nu e̍ Apu Diyus nga natalna ya nakem nun, gapu ito panagungar ne̍ Je̍su Kristu.

1 Juan 5:9

No uwed kuma toley nga mangpanecnec, patiyen tida ngarud ya kagi na. Dikad pe̍ no e̍ Apu Diyus, nangnangruna kuma ngarud nga patiyen tida ya pammanecnec na maipanggep iya Anac na. Ta napatpateg met ya pammanecnec ne̍ Apu Diyus ngem iya pammanecnec niya toley.