1 Juan 5:7 - Ya Baru nga Tulag

⁷ Dikad pe̍ uwed met tellu nga mangipanecnec maipanggep e̍ Je̍su Kristu:

1 Juan 5:7 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 18:16

Ngem no madi naka ipangag, mawe̍ ka manin nga uwed kuma isa winno duwa nga toley nga itarey mu, tasun maariman kuma maikanatad ito naisurat iya Bibliya nga no uwed kanu duwa winno tellu nga mangpanecnec, mapatalgeddan ya amin nga maikagi.

Matyu 28:19

Itu nga mawe̍ kayu kuma ngarud agpasurut kadiya toltoley kadiya amin nga pagpagiliyan, tasun umapu da iyaken. Bautisaran nu diya pasurut gapu iya turay nga uwed iya Ama, Anac, se̍ iya Ispiritu Santu.

Juan 1:1

Sacbay nito rugi niya amin, uwed sigud nga kabulun ne̍ Apu Diyus nga maawagan ka Kagi. Ket Diyus mettas pe̍ yani.

Juan 10:30

Ngarud, ya Ama se̍ iyaken, ket is-isa,” kunen na.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 14:17

Ket igina met ya Ispiritu nga mangipakaemmu iya pudnu. Madi mabalin nga awaten diya bekken nga mamati yan nga Ispiritu, ta madi da malasin winno em-emmu. Ngem dakayu, em-emmu nu mettin, ta uwed dakayu, ket dakayu nad met ya pagedyanan na.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 8:18

Ket duwa kami met nga mangpanecnec kin, ta iyaken mettas ya isa nga mangipakaemmu iya pudnu maipanggep iya beggic, ket se̍ ya Ama nga nangibon iyaken, igina pe̍ ya isa,” kunen na.

Juan 8:54

Ket kinunen ne̍ Je̍sus, “No ya mismu nga beggic ya idaydayaw ku, ket awan met nga tutu sirsirbi niya pannakaidayaw ku. Ngem ya kinapudnu na, ya Amac ya mangipadayaw iyaken. Ket igina mettas ya kunen nu nga Diyus nu.

Aramid 2:33

Naipangatu nge̍ Je̍susin nga nawe̍ iya madiwanan ne̍ Apu Diyus, nga itu ya kadayawan nga saad. Ket inawat ne̍ Je̍sus to nikari ne̍ Apu Diyus itun, nga itu ya Ispiritu Santu nga naiyalubu win dakami. Ket itu win ya masingsingen se̍ magicgicna nu ita.

Aramid 5:32

Ket dakami diya mangibagbaga iya pudnu maipanggep kadidi nga banbanag. Se̍ bekken nas nga dakami ya mangibagbaga, no di lugud pe̍ ya Ispiritu Santu nga nipaay ne̍ Apu Diyus dakamin nga sumurut igina.” Itu yan to nisungbat de̍ Pe̍dru ito kangatuwan nga agsirsirbi iya Te̍mplu.

2 Kurintu 13:14

Uwed kuma dakayu nga amin ya siaayat nga asi ne̍ Apu Je̍su Kristu, se̍ ya ayat ne̍ Apu Diyus, se̍ ya pannakibulun niya Ispiritu Santu.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 5:6

Ket e̍ Je̍su Kristu, igina met ya uwed duwa nga pammanecnec nga nipasingen na ito inumbe̍t itun. Ket danum se̍ daga dito pammanecnec na. Bekken nas nga danum ya pammanecnec ne̍ Je̍sus, no di pe̍ daga. Ket ya Ispiritu Santu met pe̍ ya mangipanecnec iya pudnu maipanggep igina, ta agpudnu was met ya Ispiritu Santu.

1 Juan 5:8

Uwed ya Ispiritu Santu, ya danum, se̍ ya daga. Ket agpapada met ya ipanecnec didi nga tellu nga pammanecnec.

Paltiing 19:13

Ket nakake̍bal ka ke̍bal nga biig nga mansa ka daga. Ket “Kagi ne̍ Apu Diyus” ya pangaw-awag da igina.