1 Juan 5:4 - Ya Baru nga Tulag

⁴ Tutu met yan, ta orey nagan na nga nagbalin nga anac ne̍ Apu Diyus, abaken na ya kinadake̍c idi nga lubung. Ket ya panamati tida, itu met ya pangabac tida iya kinadake̍c iya lubung.

1 Juan 5:4 Iomraidhean Croise

Juan 1:13

Ket dito nagbalin nga anac ne̍ Apu Diyus, bekken nga gapu iya kadawyan nga pannakaiyanac da ka toley, winno gapu iya tarigagay niya kinatoley winno ya tarigagay niya kinalalaki, no di lugud gapu was iya pannakabalin ne̍ Apu Diyus.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 3:3

Ket kinunen ne̍ Je̍sus igina, “Pudnu met yani nga ibagac ikew: Madi aglak-am ya orey nagan na nga toley iya panangituray ne̍ Apu Diyus no madi maiyanac manin nga mona ka kabarbaru nga biyag,” kunen na.

1 Kurintu 15:57

Ngem agyaman tida lugud e̍ Apu Diyus, ta pangabaken nactida iya pannakabalin niya patey, tasun agballaigi tida gapu mettas iya Apu tida nga Je̍su Kristu.

1 Juan 2:29

Ket emmu nu met nga nalinteg nge̍ Kristu. Itu nga emmu nu met pe̍ nga anac ne̍ Apu Diyus ya amin nga agariman iya nalinteg.

1 Juan 3:9

Ket iya agten iyan, diya an-anac ne̍ Apu Diyus, madi da agar-ariman ka basul, ta uwed met igidan ya kinaDiyus na. Madi ngarud mabalin nga agbasbasul dan, ta an-anac ne̍ Apu Diyus dan.

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.

1 Juan 5:18

Emmu tida nga diya nagbalin nga anac ne̍ Apu Diyus, madi da agbasbasulin, ta aywanan met niya Anac ne̍ Apu Diyus da, tasun awan mabalin niya diyablu nga managdacdake̍c igida.

1 Juan 5:5

Dikad pe̍ ya makaabac iya kinadake̍c iya lubung, awan sabali no di yas ya mamati nga e̍ Je̍sus ya Anac ne̍ Apu Diyus.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 15:2

Ket uwed nasingec nga arig nga baybay nga sarming ya sap-ew na, ket uwed pe̍ apuy na. Ket nasingec pe̍ dito nagballaigi nga nangabac ito nakan-ansing nga animal se̍ ito bultu na, se̍ ito nume̍ru nga kaibatugan niya nagan na. Ket dito nagballaigi, agsisikad dan iya pingit nito baybay nga sarming, ket nakaikem da met ka pagtukar nga arpa, nga ne̍cde̍ ne̍ Apu Diyus igida.

Paltiing 2:11

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, madi da nad madusa ka maikadduwa nga ipapatey.’”

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”

Paltiing 2:26

“Ket diya amin nga maibilang nga mangabac, nga mangituluy iya panangtungpal da iya tarigagay ku agingga iya panagpatingga niya biyag da, igida nad diya pange̍cde̍yac ka turay tasun iturayan da diya pagpagiliyan.

Paltiing 2:7

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka kalinteggan da nga mangan ka bisic niya kayu nga pagbiyagan nga uwed iya minuyungan ne̍ Apu Diyus.’”

Paltiing 3:12

“Ket diya maibilang nga mangabac, isaad ku nad nga maiyarig iya isa kadiya adigi niya te̍mplu niya Diyus ku. Ket diya agten iyan, madi da nad rumwarin, ket isurat ku nad igida ya nagan niya Diyus ku, se̍ ya nagan niya siyudad niya Diyus ku, nga itu ya kabarbaru nga He̍rusale̍m nga dumsag nad nga gayat ka langit, ta aggayat iya Diyus ku. Ket isurat ku nad pe̍ igida ya kabarbaru nga nagan ku.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.

Paltiing 3:5

Agten nad idi nga puraw ya kawwes diya amin nga maibilang nga mangabac. Ket pulus nga madic nad udasen ya nagan da nga naisurat iya libru nga pakaisuratan diya nagnagan diya mae̍cdan ka biyag nga agnanayun. Ket ipakaemmuc nad nga siaannamung iya imatang niya Amac se̍ kadiya anghe̍le̍s na, nga didi nga sikakawwes ka puraw, ket kuwac.