1 Juan 5:21 - Ya Baru nga Tulag

²¹ Dakayu nga patpatgec nga an-anac, madi kayu kuma ngarud makibiyang kadiya didiyusen.

1 Juan 5:21 Iomraidhean Croise

Matyu 6:13

Se̍ di nakami kuma iturung ka pakasulisugan, no di lugud ilisi nakami iya Managdacdake̍c.’

1 Kurintu 10:14

Dikad pe̍ patpatgec nga kakabsat, sigun kadito pamagbaga dactida, lisiyan nu ngarudin ya panagtungpal kadiya didiyusen.

1 Kurintu 10:7

Ngarud, dito duduma igida, nagtungtungpal da ka didiyusen itun, agten mettas iya naisurat iya Bibliya maipanggep ito panagdayaw da itun nga kunen na, “Nangnangan se̍ nagin-inum dito toltoley, se̍ da nagsasala pe̍ nga sidadayaw iya didiyusen da,” kunen na. Ngem no dakayu, bay-an nu ya panagtungpal ka didiyusen.

1 Te̍salunika 1:9

Ta igida mettas ya mangisalaysay maipanggep ito panangsangaili nu dakami ito simacwar kami dakayu itun. Ket ipadpadamag da pe̍ ya pananglikud nu kadiya didiyusen tasun agpaay kayu e̍ Apu Diyus, nga igina met ya pudnu se̍ sibibiyag nga Diyus.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

Paltiing 14:11

Ket iya agten iyan, matuctuuc ka agnanayun diya agdaydayaw ito nakan-ansing nga animal se̍ ito bultu na, se̍ diya orey nagan na nga mamarkaan pe̍ ka nagan na. Ket agpangudu ka agnanayun nga awan patingga na ya asuc niya apuy nga mangtuuc igida, ket awan pagkarinawaan da iya orey algew winno gabi,” kunen na.

Paltiing 9:20

Ket diya duduma nga toley nga nakalasat kadidi nga panagrigat nga pakatayan, madi da met latta nagbabawi kadito dake̍c nga winangwangel da. Madi da nipac to panagtungpal da kadiya sacsairu se̍ kadito didiyusen da nga bultu, nga agten kadito naariman ka balituc, pirac, burinsi, batu winno kayu. Ket didi latta dito dinaydayaw da, orey madi makasingen se̍ makagicna winno makadalan didi.