1 Juan 5:18 - Ya Baru nga Tulag

¹⁸ Emmu tida nga diya nagbalin nga anac ne̍ Apu Diyus, madi da agbasbasulin, ta aywanan met niya Anac ne̍ Apu Diyus da, tasun awan mabalin niya diyablu nga managdacdake̍c igida.

1 Juan 5:18 Iomraidhean Croise

Matyu 5:37

Ngarud, pulus nga awan kuma pagsapata nu, ta ya ibaga nu kuma, basta ‘Bo’ no bo, se̍ ‘Bekken’ no bekken. Ta ya orey nagan na nga maidga kadidi, ket agtaud ngas met iya diyablu nga managdacdake̍c.”

Matyu 6:13

Se̍ di nakami kuma iturung ka pakasulisugan, no di lugud ilisi nakami iya Managdacdake̍c.’

Juan 1:13

Ket dito nagbalin nga anac ne̍ Apu Diyus, bekken nga gapu iya kadawyan nga pannakaiyanac da ka toley, winno gapu iya tarigagay niya kinatoley winno ya tarigagay niya kinalalaki, no di lugud gapu was iya pannakabalin ne̍ Apu Diyus.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 15:4

Dikad pe̍ silalagip kayu kuma ngarud iyaken, nga agten mettas iya pananglaglagip ku nga pe̍yeng dakayu. Ta maiyarig kayu iya isa nga sanga niya lanut, ata ya sanga, madi ngarud makabisic nga ig-igina, no bekken nga naisilpu iya kunungan na. Ket agten kayu pe̍ iyan, ta awan mamaay nu no madi dac laglagipen.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 15:9

“Agten idi: Ya panagayat ku dakayu, agten mettas iya panagayat niya Ama iyaken. Itu nga laglagipen nu kuma ngarud ya panagayat ku dakayu.

Aramid 11:23

Ket ito nakadateng nge̍ Be̍rnabe̍ ennan, naganggem, ta nasingen na ya nabaru nga nagbanagan niya siaayat nga asi ne̍ Apu Diyus kadito iAntiyakiya. Ket nangpabileg nge̍ Be̍rnabe̍ igida, nga kinagi na nga siiinget igida nga amin nga ituluy da kuma ya panamati da iya Apu, nga madi da kuma agduwaduwa.

Santiyagu 1:18

Ket gapu mettas iya rimidyu ne̍ Apu Diyus, pinagbalin nactida nga anac na gapu iya kagi na nga naipakaemmu dactida, nga itu ya kinapudnu. Agten iyan ngarud ya nirimidyu ne̍ Apu Diyus, ta gabay na no dactida nga mamati, ket maiyarig tida iya kangrunaan kadiya amin nga pinarsuwa na.

Santiyagu 1:27

Ngem no madi kayu makibiyang kadiya dake̍c nga ugali iya lubung ngi, se̍ no tulungan nu diya kackaasi nga ulila se̍ diya balu, ket e̍ Apu Diyus nga Ama tida, ibilang na nga napudnu se̍ awan mansa na ya panagdaydayaw nu.

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

1 Juan 2:29

Ket emmu nu met nga nalinteg nge̍ Kristu. Itu nga emmu nu met pe̍ nga anac ne̍ Apu Diyus ya amin nga agariman iya nalinteg.

1 Juan 3:12

Bekken tida kuma nga agten ito Kain nga kameng niya diyablu nga managdacdake̍c. To Kain, pinatey na met to adi na itun. Ta dito wangwangel nito adi na, ket nalinteg. Ngem dito wangwangel ne̍ Kain nga gennung, dake̍c met. Itu ya gapu na nga pinatey na to adi na.

1 Juan 3:3

Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.

1 Juan 3:9

Ket iya agten iyan, diya an-anac ne̍ Apu Diyus, madi da agar-ariman ka basul, ta uwed met igidan ya kinaDiyus na. Madi ngarud mabalin nga agbasbasul dan, ta an-anac ne̍ Apu Diyus dan.

1 Juan 4:6

Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.

1 Juan 5:15

Ket gapu ta emmu tida nga ipangag nactida nge̍ Apu Diyus iya orey nagan na nga adngen tida igina, emmu tida met pe̍ nga mae̍cdan tida ngarud kadiya adngen tida.

1 Juan 5:19

Emmu tida nga no dactida, kamkameng nactida nge̍ Apu Diyus. Ngem diya duduma nga toltoley iya lubung, kamkameng met niya diyablu nga managdacdake̍c.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:21

Dakayu nga patpatgec nga an-anac, madi kayu kuma ngarud makibiyang kadiya didiyusen.

1 Juan 5:4

Tutu met yan, ta orey nagan na nga nagbalin nga anac ne̍ Apu Diyus, abaken na ya kinadake̍c idi nga lubung. Ket ya panamati tida, itu met ya pangabac tida iya kinadake̍c iya lubung.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.