1 Juan 5:13 - Ya Baru nga Tulag

¹³ Isurat ku didi nga banag dakayu nga mamati iya kinaturay niya Anac ne̍ Apu Diyus, tasun maemmuwan nu nga uwed dakayun ya biyag nga agnanayun.

1 Juan 5:13 Iomraidhean Croise

Juan 1:12

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 2:23

Ket itun, uwed nge̍ Je̍sus ka He̍rusale̍m ito madama ya timpu Padaya Nitatalib. Ket adu diya namati iya turay na, gapu ta nasingen da diya nakaskasdaaw nga pagilasinan nga inar-ariman na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 21:24

Ket tun nga adalan, ket igina mettas ya mangipakaemmu win iya kinapudnu maipanggep kadiyan nga banbanag, se̍ ya nangisurat pe̍ kadiyan. Ket dakami, emmu mi nga pudnu met yani nga panangipakaemmuc.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Aramid 3:16

Ket gapu ka panamati iya kinaturay ne̍ Je̍sus, nakadalanin yani nga toley. Ta emmu nu nga tutu nga lugpi itun, ngem masingen nu met itan, nga nabileg gin gapu iya kinaturay ne̍ Je̍sus, se̍ iya panamati gapu igina. Itu ya nangpabileg idi nga toley nga masingen nu nga amin itan.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

2 Kurintu 5:1

Ket madi kami ngarud makumsa kadiya pakarigrigatan mi. Ta emmu mi nga orey no matey tida, se̍ mapirdi didi nga beggi tida, nga arig ngas nga bawi diya biyag tida idi nga lubung, ket emmu mi ngarud nga sukatan nad ne̍ Apu Diyus ka madi matey nga beggi no uwed tida ka langitin. E̍ Apu Diyus mettas ya paggayatan niyan nga agnanayun nga beggi nga maiyarig ka baley nga bekken nga inariman toley.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

1 Pe̍dru 5:12

E̍ Silbanu nga ibilang ku nga mapagtalkan nga kabsat, igina ya pinagsurat ku idi nga e̍teng nga surat ku dakayu. Ket nisurat ku yani dakayu tasun bagbagaan nakayu, se̍ tasun ipanecnec ku dakayu nga ya pudnu nga siaayat nga panangaasi ne̍ Apu Diyus, ket agten mettas idi nga nisurat ku. Dikad pe̍ pagnamnamaan nu kuma ngarud yani nga panangaasi na dakayu.

1 Juan 1:4

Ket didi nga banbanag, isurat mi dakayu tasun awan pagkurangan niya anggem tida.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:21

Madic met kunen nga madi kayu pekkem emmu ya pudnu maipanggep iya pammati tida, ta emmu nu ngarudin. Ngem isurat ku yani dakayu gapu ta gabay ku was nga ipalagip dakayu, se̍ gapu ta emmu nu met nga awan busid nga tumaud iya kinapudnu.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

1 Juan 2:26

Isurat ku didi dakayu tasun maawatan nu kuma maipanggep kadito mayat nga mangiyaw-awan dakayu.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 4:9

Ket nipasingen ne̍ Apu Diyus ya ayat na dactida ito nibon na ya kackaisu nga Anac na idi nga lubung, tasun biyagen nactida gapu igina.

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

1 Juan 5:11

Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.