1 Juan 5:11 - Ya Baru nga Tulag

¹¹ Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.

1 Juan 5:11 Iomraidhean Croise

Matyu 25:46

Ket iya agten iyan, pumanaw nad diyan nga toley nga mawe̍ da iya agnanayun nga pakadusaan da. Ngem diya napalinteg nga toley, mawe̍ da nga gennung iya agnanayun nga pakabiyagan da,” kunen ne̍ Je̍sus.

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 1:4

Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Juan 10:28

Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

Juan 12:50

Ket emmuc nga makae̍cde̍ ka biyag nga agnanayun ya bilin niya Ama. Itu nga orey no nagan ya kagiyec, kagiyec ngas nga sigun iya nibilin niya Ama iyaken,” kunen na.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 19:35

Ket ya toley nga nakasingen kadiyan nga napasamac, igina mettas ya mangipakaemmu kadiyan dakayu ita. Ket pudnu ngarud ya ipacpakaemmu na, ta yan nas kinapudnu ya ibagbaga na maipanggep kadiyan, tasun mamati kayu kuma met pe̍.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Juan 4:36

Ket ya mawe̍ aggani, matangdanan ngarud orey itan. Ta ya maapit na, itu diya mairaman iya biyag nga agnanayun. Ket iya agten iyan, agpadpada nga agragsac ya agmula se̍ ya aggani.

Juan 4:4

Ket masapul nga lumasat da iya prubinsiya nga Samarya iya pananalan da.

Juan 5:21

Ta no ya Ama, pagungaren na diya natey ket biyagen na da met. Ket agten met pe̍ ya Anac, ta mange̍cde̍ pe̍ ka biyag kadiya gabay na nga e̍cdan.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 6:40

Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.

Juan 6:47

Pudnu met yani nga kunec: Ya mamati iyaken, uwed iginan ya agnanayun nga biyag.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Ruma 5:21

Agten iyan ngarud, tasun orey naggundaway ya basul, nga agbanag met iya pannakatey, ket aggundaway kuma lattan ya siaayat nga asi ne̍ Apu Diyus, nga itu ya agbanag iya pannakaibilang tida nga nalinteg. Ket iya agten iyan, mae̍cdan tidan ka biyag nga agnanayun gapu e̍ Je̍su Kristu nga Apu tida.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

1 Timutyu 1:16

Ngem kinaasiyan nac met nge̍ Apu Diyus, tasun iparangarang ne̍ Je̍su Kristu ya naan-anay nga anus na iyaken nga kadake̍kan. Nipasingen na ngarud ya anus na iyaken tasun iyaken ya pakasingnan diya amin nga mamati nad igina, nga igida diya mae̍cdan ka biyag nga agnanayun.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

1 Juan 4:10

Ket ya ayat nga kunec, bekken nga ya panagayat tida e̍ Apu Diyus, no di lugud ya panagayat ne̍ Apu Diyus dactida. Ta igina, nibon na met ya Anac na nga pakaudasan nga pakapakawanan diya basbasul tida.

1 Juan 4:9

Ket nipasingen ne̍ Apu Diyus ya ayat na dactida ito nibon na ya kackaisu nga Anac na idi nga lubung, tasun biyagen nactida gapu igina.

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:7

Dikad pe̍ uwed met tellu nga mangipanecnec maipanggep e̍ Je̍su Kristu:

3 Juan 1:12

Ket no e̍ De̍me̍triyu, agdindinamag kadiya aminin ya kinanacman na. Ta nabatad ya kinanacman na gapu kadiya wangwanglen na nga maikanatad iya pudnu nga pammati. Ket dakami met pe̍ ya mangipanecnec iya kinanacman na, ket emmum nga napudnu ya panangpanecnec mi.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.

Paltiing 1:2

Ket ipakaemmuc met idi nga surat ya kinapudnu maipanggep kadito amin nga naipasingen iyaken, ta isurat ku idi nin to damag nga gayat e̍ Apu Diyus, nga itu pe̍ ya nipakaemmu ne̍ Je̍su Kristu.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.