1 Juan 5:10 - Ya Baru nga Tulag

¹⁰ Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

1 Juan 5:10 Iomraidhean Croise

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 3:33

Ngem diya toley nga umawat iya ipakaemmu na, itu diya toley nga mangipakaemmu nga napudnu ya kagi ne̍ Apu Diyus.

Juan 5:38

Ket bekken ngarud nga ya kagi na ya laglagipen nu, ta madi kayu patpatiyen ya nibon na.

Aramid 8:37

[Ket kinunen ne̍ Pe̍lipe̍, “Mabalin a, no ipasnec mu was lugud ya mamati e̍ Je̍sus,” kunen na. Ket kinunen nito upisyal, “Bo, a. Pudnu nga mamati yac kun. Patiyec nga e̍ Je̍su Kristu, igina ya Anac ne̍ Apu Diyus,” kunen na.]

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

Galasiya 4:1

Agten idi ya kayat ku nga kagiyen maipanggep iya Linteg: Kaspagarigan ya isa nga anac nga lalaki nga agtawid iya sanicwa ne̍ ama na. Bayat niya kinaebbing na pekkem, maipada ya kasasaad na iya isa nga tagabu, orey igina ya kustu nga makin-kuwa iya amin nga sanicwa niya ama na.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

Kulusas 3:3

Ta naibilang kayu nga natey yin maipanggep kadiya banbanag idi nga lubung. Ket ya kabarbaru nga biyag nu, arig nga naitalipen mettin e̍ Apu Diyus, gapu iya pannakaibulun nu e̍ Kristu.

He̍briyu 3:12

Itu nga agannad kayu ngarud, kakabsat, tasun awan kuma dakayu ya dake̍c nga nakem winno ya bekken nga sipapati nga panpanunut. Ta no uwed diya agten iyan dakayun, paglikudan nu mettin ya sibibiyag nga Diyus.

2 Pe̍dru 1:19

Ket iya agten iyan, napatalgeddan mettin dito nikaskasaba dito mammadtu itun. Ket dakayu, paglaingan nu met no ipangag nu da pe̍. Ta to kasaba da itun, maiyarig iya dilag nga dumardarang iya nagicbet nga lugar agingga ka parbangunin. Itu ya arig nga panagparang niya baggac, ket itu ya mangwada iya panpanunut nun.

1 Juan 1:10

No kunen tida nga madi tida nagbasul, ket arig met nga kunen tida nga agbusid nge̍ Apu Diyusin, ket madi tida pekkem patiyen ya kagi na.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.

Paltiing 12:17

Ket nakaunget ngarudin to dragun ito babey. Itu nga nawe̍ na ginubat diya duduma pekkem nga an-anac nito babey, nga igida diya agtungtungpal kadiya bilbilin ne̍ Apu Diyus se̍ mangipatpateg iya pudnu nga nipakaemmu ne̍ Je̍sus.

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”

Paltiing 2:28

Ket igida nad met pe̍ ya pangisagutac iya arig nga bituwen nga aggundaway iya parbangun.