1 Juan 4:8 - Ya Baru nga Tulag

⁸ Ngem diya madi agayat, emmu tida nga madi da pekkem em-emmu nge̍ Apu Diyus, ta e̍ Apu Diyus met ya paggayatan niya ayat.

1 Juan 4:8 Iomraidhean Croise

2 Kurintu 13:11

Ket kakabsat, idi ya modi nga ibagbagac dakayu idi nga surat kun: Aganggem kayu ngas kuma. Ket palinteggen nu kuma ngarudin ya ugali nu, se̍ tungpalen nu kuma ngarud ya pamagbagac dakayu idi nga surat ku. Agkikinnaawatan kayu kuma, se̍ agtutunus kayu kuma pe̍. Ket no agten iyanin, uwed met dakayu nge̍ Apu Diyus, nga igina ya pagtaudan niya ayat se̍ talna.

E̍pe̍su 2:4

Ngem e̍ Apu Diyus, managkaasi. Ket iya agten iyan, nipaay na ya napalaus nga ayat na dactida.

He̍briyu 12:29

Ta ya Diyus tida, ket uwed met unget na nga maiyarig ka apuy nga mangkesset se̍ mangpirdi iya amin nga madalapus na.

1 Juan 1:5

Ket ipakaemmu mi dakayu dito nagicna mi nga nisursuru ne̍ Je̍su Kristu. Ket agten idi: E̍ Apu Diyus, maawagan ka Wada, ket awan pulus gicbet igina.

1 Juan 2:4

No uwed toley nga agkunen kuma nga, “Em-emmuc kun nge̍ Apu Diyus,” kunen na kuma, ngem madi na tungpalen diya bilbilin ne̍ Apu Diyus, ket agbusbusid met yan nga toley, ket madi na met emmu ya pudnu nga pammati.

1 Juan 2:9

No uwed agkunen nga, “Makitipun nac kun iya wada,” kunen na kuma, ngem gumurgura met iya kapada na, ket nagicbet pekkem ya ugali na.

1 Juan 3:10

Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 3:6

Dikad pe̍ ya toley nga silalagip e̍ Kristu, madi met agbasbasul. Ngem ya sibabasul nga toley, madi na pekkem nga nasingen nge̍ Je̍su Kristu, se̍ madi na pe̍ em-emmu.

1 Juan 4:16

Ket iya agten iyan, naemmuwan se̍ namnamaen tidan ya panagayat ne̍ Apu Diyus dactida. Ngarud, e̍ Apu Diyus ya paggayatan niya ayat. Dikad pe̍ ya toley nga silalagip iya panagayat na kadiya kapada na, ket silalagip pe̍ yin e̍ Apu Diyus, ket laglagipen met pe̍ ne̍ Apu Diyus yan nga toley.

1 Juan 4:7

Patpatgec nga kakabsat, agiinnayat tida kuma, ta gayat e̍ Apu Diyus ya ayat. Dikad pe̍ gapu ta gayat e̍ Apu Diyus ya ayat, emmu tida nga nagbalin nga anac ne̍ Apu Diyus diya amin nga agayat, se̍ emmu tida nga em-emmu da nge̍ Apu Diyus.