1 Juan 4:6 - Ya Baru nga Tulag

⁶ Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

1 Juan 4:6 Iomraidhean Croise

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 10:3

Ket ya agbanbantay iya ruwangan niya kudal, lukatan na para iyan nga pudnu nga agay-aywan kadiya karne̍ru. Ket diya karne̍ru na, mailasin da ya timec na no awagan na diya nagnagan da, no paruwaren na da.

Juan 13:20

“Pudnu met yani nga ibagac dakayu: Ya umawat iya ibon ku, maibilang nga iyaken mettas ya awaten na. Ket iya agten iyan, ya umawat iyaken, awaten na met pe̍ ya nangibon iyaken,” kunen na.

Juan 14:17

Ket igina met ya Ispiritu nga mangipakaemmu iya pudnu. Madi mabalin nga awaten diya bekken nga mamati yan nga Ispiritu, ta madi da malasin winno em-emmu. Ngem dakayu, em-emmu nu mettin, ta uwed dakayu, ket dakayu nad met ya pagedyanan na.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Juan 20:21

Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

Juan 8:23

Ket kinunen manin ne̍ Je̍sus igida, “Dakayu, ket taga-segged kayu was met. Ngem iyaken, taga-ngudu wac. Ilubung kayu. Ngem iyaken, bekken.

Ruma 1:1

Iyaken nge̍ Pablu nga isa nga agsirsirbi e̍ Kristu Je̍sus. Pinili nac nge̍ Apu Diyus, se̍ pinagbalin nac nga apustul nga naipaay iya panangipakaemmu iya Makaparagsac nga Damag ne̍ Apu Diyus.

Ruma 11:8

Ta agten iya naisurat iya Bibliya nga kunen na, “Pinagmulinas ne̍ Apu Diyus ya panpanunut da, tasun orey agingga ita, arig nga madi da makasingen, se̍ arig nga madi da pe̍ makagicna, orey uwed met mata se̍ tinga da,” kunen na.

1 Kurintu 14:37

Ket no uwed dakayu diya nae̍cdan kanu ka pannakabalin nga mangikasaba iya kagi ne̍ Apu Diyus, winno diya uwed kanu sabali nga pannakabalin nga ne̍cde̍ niya Ispiritu Santu, ket mailasin da ngarud nga tutu met nga bilin niya Apu didi nga ibagac idi nga surat ku.

2 Kurintu 10:7

Bekken kuma a, nga narabaw ngas ya panangpanunut nu maipanggep dakami. Dikad pe̍ dakayu nga agsiguradu iya pannakaikameng nu e̍ Kristu, laglagipen nu kuma met nga kamkameng nakami met pe̍ nge̍ Kristu.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

1 Timutyu 4:1

Nalawag to nipacpakaemmu niya Ispiritu Santu, nga uwed nad kanu duduma nga pumanaw iya pammati tida, nga suruten da ya panursuru diya mangallilaw nga manursuru, se̍ ya panursuru nga tumaud kadiya sacsairu.

2 Pe̍dru 3:2

Ta tantandaanan nu kuma dito kinagkagi dito mammadtu nga nagsirbi e̍ Apu Diyus itun se̍ to paglinteggan niya Apu tida nga Mangisalakan dactida, nga itu ya nibilin diya apustule̍s na dakayu.

1 Juan 4:1

Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 4:8

Ngem diya madi agayat, emmu tida nga madi da pekkem em-emmu nge̍ Apu Diyus, ta e̍ Apu Diyus met ya paggayatan niya ayat.

1 Juan 5:19

Emmu tida nga no dactida, kamkameng nactida nge̍ Apu Diyus. Ngem diya duduma nga toltoley iya lubung, kamkameng met niya diyablu nga managdacdake̍c.

Hudas 1:17

Ngem dakayu nga gennung, kakabsat, laglagipen nu kuma dito nibagbaga dito apustule̍s niya Apu tida nga Je̍su Kristu.