1 Juan 4:4 - Ya Baru nga Tulag

⁴ Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 4:4 Iomraidhean Croise

Juan 12:31

Ta ita mettin ya panangrugi niya panangukum ne̍ Apu Diyus kadiya toley idi nga lubung. Ita met pe̍ yin ya timpu niya panangpatalew ne̍ Apu Diyus iya agituray idi nga lubung.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 16:11

Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Ruma 8:31

Ket gapu ta maawatan tida yan, agten idi met ya makunen tidan: Awan ngarud makaabac dactidan, gapu ta isangil nactida nge̍ Apu Diyus.

Ruma 8:37

Ngem bekken kuma nga itu ya pagdanagan tida diyanin. Ta orey no agten iyan ya kasasaad tida, nabilbileg latta ya panangabac tida iya amin diyan, gapu igina nga nangayat dactida.

1 Kurintu 2:12

Ket no dactida, bekken nga ya panpanunut nga tumaud kadiya uwed idi nga lubung ya naipaay dactida, no di lugud ya Ispiritu ne̍ Apu Diyus, tasun maawatan tida diya amin nga banbanag nga nikaasi ne̍ Apu Diyus dactida.

1 Kurintu 6:13

Tutu met pe̍ ya kunen diya duduma nga diya macmakan, agpaay kanu iya bessug. Se̍ ya bessug, ket para kanu kadiya macmakan. Bo a, ngem pudnu met pe̍ nga pukawen nad mettas ne̍ Apu Diyus diya macmakan se̍ orey diya bessug tida met pe̍. Ket no diya beggi tida, bekken nga nisangrat ne̍ Apu Diyus nga maipaay ka pannakikamalala, no di lugud tasun agpaay kuma iya Apu. Ket ya Apu, agsirbi met pe̍ kadiya beggi tida.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

2 Kurintu 6:16

Maiyarig pe̍ yani iya te̍mplu nga pagedyanan ne̍ Apu Diyus se̍ diya bulbultu. Ta diya bulbultu, bekken da met nga tumutup iya te̍mplu ne̍ Apu Diyus. Ket ya kinapudnu na, dactida met ya te̍mplu nga paged-edyanan niya sibibiyag nga Diyus! Itu met to nibaga ne̍ Apu Diyus itun nga kinunen na, “Igida nad ya pagedyanac, ket makibulubulun nac nad igidan. Ta iyaken nad ya daydayawen da nga Diyus da, ket igida ya ibilang ku nga toley ku,” kunen na.

E̍pe̍su 2:2

Agten kayu ngarud iyan itun nga timpu, ta diya dake̍c nga gangey diya toley nga madi mamati e̍ Apu Diyus idi nga lubung, ket itu met diya winangwangel nu itun. Ta nagtungtungpal kayu itun iya agturay nga uwed pannakabalin na iya abac lawa. Itu met ya pannakabalin nga mangiturturay ita kadiya agsucsukir e̍ Apu Diyus.

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

E̍pe̍su 6:10

Ket itan, idi ya ibagac dakayu: Pabilgen nu diya panpanunut nu maipanggep iya panamati nu gapu iya pannakaitipun nu iya Apu, se̍ gapu iya bileg nga tumaud iya pannakabalin na.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:13

Dakayu nga am-ama, agsurat tac dakayu gapu ta em-emmu nun nge̍ Kristu, nga igina mettas ya uwed nga pe̍yeng orey ito panangrugi niya amin. Dakayu nga babagu, agsurat tac dakayu gapu ta inabac nun ya diyablu nga managdacdake̍c. Ngarud, agsurat tac dakayu nga ebbing, gapu ta em-emmu nun ya Ama.

1 Juan 3:20

Ket orey no madanagan tida pekkem gapu kadiya basbasul tida, agtalged tida latta e̍ Apu Diyus. Ta ad-adu ya emmu ne̍ Apu Diyus ngem iya uwed iya panpanunut tida, ta emmu na ya amin.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.

1 Juan 4:13

Nae̍cdan tida mettin iya nipaay ne̍ Apu Diyus dactida nga tumaud iya Ispiritu na. Ket iya agten iyan, emmu tida nga silalagip tida nga tutu e̍ Apu Diyus, se̍ silalagip met pe̍ nge̍ Apu Diyus dactida.

1 Juan 4:16

Ket iya agten iyan, naemmuwan se̍ namnamaen tidan ya panagayat ne̍ Apu Diyus dactida. Ngarud, e̍ Apu Diyus ya paggayatan niya ayat. Dikad pe̍ ya toley nga silalagip iya panagayat na kadiya kapada na, ket silalagip pe̍ yin e̍ Apu Diyus, ket laglagipen met pe̍ ne̍ Apu Diyus yan nga toley.

1 Juan 4:6

Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

1 Juan 5:19

Emmu tida nga no dactida, kamkameng nactida nge̍ Apu Diyus. Ngem diya duduma nga toltoley iya lubung, kamkameng met niya diyablu nga managdacdake̍c.

1 Juan 5:4

Tutu met yan, ta orey nagan na nga nagbalin nga anac ne̍ Apu Diyus, abaken na ya kinadake̍c idi nga lubung. Ket ya panamati tida, itu met ya pangabac tida iya kinadake̍c iya lubung.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.