1 Juan 4:3 - Ya Baru nga Tulag

³ Ngem diya amin nga madi umannamung iya panursuru nga e̍ Je̍sus ya naipatoley nga nibon ne̍ Apu Diyus, ket bekken nga gayat e̍ Apu Diyus ya panpanunut da. Ket itu met yan ya panpanunut nga maikuntra e̍ Kristu. Nadamag nu ngarudin maipanggep iya umbe̍t nad nga mangkuntra e̍ Kristu. Ket orey ita, uwed mettin ya agten iyan nga panpanunut idi nga lubung.

1 Juan 4:3 Iomraidhean Croise

Matyu 24:5

Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken ya Kristu!’ kunen da nad met. Ket iya agten iyan, adu nad diya maiyaw-awan da.

1 Juan 2:18

An-anac ku, dandani mettin ya panagpatingga nidi nga timpu. Ket nasuruwan kayun nga uwed umbe̍t nga mangkuntra e̍ Kristu no matungpal yani nga timpu win. Ket ita, adu mettin diya kumunkuntra e̍ Kristu. Itu nga emmu tida nga dandani ya kaodiyan nga timpu win.

1 Juan 2:22

Ket no nagan ya agbusid nga kunec, ket itu ya mangagi nga bekken nga e̍ Je̍sus ya Kristu nga nibon ne̍ Apu Diyus. Itu met ya kunec nga kumuntra e̍ Kristu, ta ilibac na met ya Ama se̍ ya Anac.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.