1 Juan 4:17 - Ya Baru nga Tulag

¹⁷ Ket iya agten iyan, matungpal nad ya panggep ne̍ Apu Diyus maipanggep iya ayat na dactida, tasun sitatalged tida nad iya timpu niya panangukum na. Agtalged tida ngarud met gapu ta iparparis tida met ita idi nga lubung ya ugali tida iya ugali ne̍ Kristu.

1 Juan 4:17 Iomraidhean Croise

Matyu 10:15

“Ket ibagac dakayu ya kinapudnu na, nga no timpu nad niya panangukum, nangnangruna nad nga kaasiyan ne̍ Apu Diyus dito iSuduma se̍ iGumura ngem diya toltoley iyan nga ili nga madi mangrispitar dakayu.”

Matyu 10:25

Kustu no matulad kuma niya agad-adal ya ugali niya mangisursuru igina, se̍ no matulad kuma niya tagabu ya ugali niya amu na. Ket iya agten iyan, no iyaken nga maiyarig ka apu niya isa nga baley ya panaganan diya toltoley nga Be̍e̍lse̍bub, di ngarud nakarkaru ya dake̍c nga ipaay da dakayu nga maiyarig ka kabbalay ku?”

Matyu 11:22

“Ket ibagac dakayu ya kinapudnu na, nga no iya timpu nad niya panangukum, nangnangruna nad nga kaasiyan ne̍ Apu Diyus dito iTiru se̍ iSidun ngem dakayu.

Matyu 11:24

Ket ibagac dakayu ya kinapudnu na, nga no iya timpu nad niya panangukum, nangnangruna nad nga kaasiyan ne̍ Apu Diyus dito iSuduma ngem dakayu,” kunen na.

Matyu 12:36

“Ket pudnu met nga no timpu nad niya panangukum, sungbatan nad mettas diya toley diya tunggal nikagi dan nga awan sirsirbi na.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 17:22

“Ket didi nga pasurut ku, ipaay ku igida ya agten mettas nga nadayaw nga kasasaad nga nipaay mu iyaken, tasun agkaykaysa da kuma pe̍ yin nga agten mettas iya panagkaykaysa ta.

Ruma 8:29

Ta itun pekkem, emmu ne̍ Apu Diyusin diya toley nga isaad na ita. Ket igida diya sigud nga panggep na nga pagbalinen nga pakasingnan mettas iya gangey ne̍ Je̍su Kristu nga Anac na, tasun e̍ Je̍su Kristu ya maibilang nga kainunaan se̍ katurayan nga kabsat diya amin nga pagbalinen ne̍ Apu Diyus nga anac na.

He̍briyu 9:27

Ket no dactida nga toley, sigud nga naikeddeng nga matey tida ka mame̍nsan, ket kalpasan na, uwed pe̍ yin ya panangukum ne̍ Apu Diyus.

Santiyagu 2:13

Tutu met yan, ta madi nad kaasiyan ne̍ Apu Diyus ya toley nga awan kaasi na. Ngem ya managkaasi, ket awan pakaukuman na.

Santiyagu 2:22

Ket iya agten iyan, nabatad kuma ikew win nga nagdanggay diya panamati se̍ panagwangel nito Abraham itun. Ket iya agten iyan, nagbalin nga awan pagkurangan niya panamati na gapu kadito wangwanglen na.

2 Pe̍dru 2:9

Ket gapu kadiyan nga napasamac itun, maipasingen dactida ya kabaellan niya Apu nga mangilisi kadiya agtungpal igina kadiya pakasulisugan da. Ket maipasingen pe̍ kadiyan ya kabaellan na nga mangipukuc kadiya agdacdake̍c nga toley iya pakadusaan da agingga iya timpu nga panangukum na nad igida.

2 Pe̍dru 3:7

Ket gapu pe̍ iya kagi mettas ne̍ Apu Diyus, matungpal nad met pe̍ ya panggep na iya abac lawa se̍ lubung, ta mapooran da nad ngarud. Ngem tengtenglen pekkem mas ne̍ Apu Diyus yan nga panggep na agingga iya timpu niya panangukum se̍ panangpukaw na kadiya toley nga madi agdayaw igina.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

1 Juan 2:5

Ngem ya agtungtungpal nga gennung iya kagi ne̍ Apu Diyus, napaw-is nga tutu win ya pagbanagan niya panagayat ne̍ Apu Diyus igina. Ket agten idi ya pakaemmuwan tida nga kameng nactida nge̍ Apu Diyus:

1 Juan 2:6

Ya agkunen nga, “Laglagipec nge̍ Apu Diyus,” kunen na, ket masapul nga tuladen na met ya nalinteg nga ugali ne̍ Apu Je̍sus.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:3

Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.

1 Juan 3:7

Patpatgec nga an-anac, madi kayu kuma nga maiyaw-awan iya kunen diya toley. Ta ya kinapudnu na, ya toley nga agar-ariman kadiya nalinteg, ket nalinteg met, nga agten mettas e̍ Kristu nga nalinteg.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.