1 Juan 4:16 - Ya Baru nga Tulag

¹⁶ Ket iya agten iyan, naemmuwan se̍ namnamaen tidan ya panagayat ne̍ Apu Diyus dactida. Ngarud, e̍ Apu Diyus ya paggayatan niya ayat. Dikad pe̍ ya toley nga silalagip iya panagayat na kadiya kapada na, ket silalagip pe̍ yin e̍ Apu Diyus, ket laglagipen met pe̍ ne̍ Apu Diyus yan nga toley.

1 Juan 4:16 Iomraidhean Croise

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Juan 9:3

Kinunen ne̍ Je̍sus igida, “Ya kinakulap nidi nga toley, bekken nga gapu iya basul na, winno iya basul diya naganac igina. Ngem kulap yani tasun gapu igina, maipasingen kuma ya pannakabalin ne̍ Apu Diyus.

1 Kurintu 2:9

Ngem agten mettas iya naisurat iya Bibliya nga kunen na, “Ya nakaskasdaaw nga madi pekkem nga nas-asingen diya toley se̍ ya madi da pekkem nga nagicgicna, se̍ ya madi da pekkem ipagarup nga mapasamac, ket itu mettas ya panggep ne̍ Apu Diyusin para kadiya agayat igina,” kunen na.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:16

Ngem nalawag dactidan no kumaan niya pudnu nga panagayat, ta nipasingen ne̍ Kristu dactida ito nituluc na ya biyag na nga naipaay dactida. Ket agten tida kuma pe̍ iyan, ta ituluc tida kuma pe̍ yin ya biyag tida nga maipaay kadiya kakabsat tida ka pammati.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.

1 Juan 4:7

Patpatgec nga kakabsat, agiinnayat tida kuma, ta gayat e̍ Apu Diyus ya ayat. Dikad pe̍ gapu ta gayat e̍ Apu Diyus ya ayat, emmu tida nga nagbalin nga anac ne̍ Apu Diyus diya amin nga agayat, se̍ emmu tida nga em-emmu da nge̍ Apu Diyus.