1 Juan 4:10 - Ya Baru nga Tulag

¹⁰ Ket ya ayat nga kunec, bekken nga ya panagayat tida e̍ Apu Diyus, no di lugud ya panagayat ne̍ Apu Diyus dactida. Ta igina, nibon na met ya Anac na nga pakaudasan nga pakapakawanan diya basbasul tida.

1 Juan 4:10 Iomraidhean Croise

Juan 13:34

“Ket itan, uwed kabarbaru nga bilin nga ibagac dakayu: Masapul nga agiinnayat kayu. Ket no kumaan niya panagayat ku dakayu, ket agten iyan kuma pe̍ ya panagayat nu iya tunggal isa dakayu.

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 6:51

Iyaken mettas ya pagbiyag nga maiyarig ka pakabiyagan nga naggayat ka langit. Ket ya orey nagan na nga toley nga mangan idi nga pagbiyag nga ipaay ku, agbiyag met ka agnanayun. Ket idi nga pagbiyag, itu mettas ya beggic nga iyawat ku nad tasun uwed pakabiyagan diya toltoley idi nga lubung,” kunen ne̍ Je̍sus.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

1 Pe̍dru 2:24

E̍ Kristu mettas to nagagtu kadiya basbasul tida nga naibulun iya beggi na ito pannakailansa na ito krus. Agten iyan ngarud ya winangel na, tasun agbalin tida nga arig nga natey yin nga madi agbasbasulin, se̍ tasun agbiyag tida nga agpaay iya kinalinteg gin. Ket gapu ngarud ito pannakatalingu ne̍ Kristu, naagasan kayun.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.

1 Juan 2:2

Ta e̍ Je̍su Kristu mettas ya pakaudasan nga pakapakawanan diya basbasul tida, ket bekken nas nga diya basbasul tida, no di pe̍ diya basbasul diya amin nga toltoley iya lubung.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.

1 Juan 5:11

Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.