1 Juan 4:1 - Ya Baru nga Tulag

¹ Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

1 Juan 4:1 Iomraidhean Croise

Markus 13:21

“Ket iyan nga timpu, no uwed nad agkunen dakayu nga, ‘Singen nu, itu yani nin ya Kristu!’ winno kunen da nad nga, ‘Singen nu, uwed antuni nin!’ kunen da nad dakayu, ket madi kayu kuma patpatiyen.

Lukas 12:57

“Ape̍? Di ngarud rumbeng no panunuten nu nga mona ya kustu nga mawangel nu kuma?

Lukas 21:8

Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Aramid 17:11

Ket dito Hudyu ka Be̍rya, nanacnacman da ngem kadito iTe̍salunika, ta gabay da nga unay ya agdengngeg iya kagi ne̍ Apu Diyus. Ket inalgew nga ad-adalen da ya Bibliya, tasun mapanecnekkan da no pudnu dito isursuru de̍ Pablu.

Aramid 20:29

Emmuc nga nad no awan nac kun, uwed da umbe̍t dakayu nga arig nga atap nga asu nga nauyung, ta gabay da nga pirdiyen ya panamati diya toley niya bungguy ne̍ Apu Diyus.

1 Kurintu 12:10

Ket diya duduma, e̍cdan na da ka pannakabalin da nga agariman kadiya nakaskasdaaw nga mangipasingen iya pannakabalin ne̍ Apu Diyus. Diya duduma pe̍, ket mae̍cdan da ka pannakabalin da nga mangikasaba iya kagi ne̍ Apu Diyus. Ket uwed da pe̍ duduma nga mae̍cdan ka pannakabalin nga mangilasin kadiya gayat iya Ispiritu Santu se̍ diya bekken. Ket uwed da pe̍ duduma nga mae̍cdan ka pannakabalin nga agkagi ka nadumaduma nga pagkakagi nga bekken da nga naadal. Ket diya duduma, mae̍cdan da ka pannakabalin nga mangipatarus kadiya kinagi diya sabali, nga nagkagi ka pagkakagi nga di da naad-adal.

1 Kurintu 14:29

Ket no diya mangikasaba iya kagi ne̍ Apu Diyus, uwed kuma duwa winno tellu ngas nga mangasaba. Ket denggen kuma diya duduma, se̍ da utuben no pudnu diya kagkagiyen da winno bekken.

1 Te̍salunika 5:20

Madi kayu ngarud agmadi kadiya panursuru nga ipaisuru ne̍ Apu Diyus dakayu.

1 Te̍salunika 5:21

Ngem awan pe̍ lugud panursuru toley nga di nu nga paliiwen nga nalaing. Ket diya kustu nga banbanag, ipateg nu.

2 Te̍salunika 2:2

Madi kayu kuma nga nalaka nga mariribukan winno madanagan kadiya damdamag nga magicgicna nu nga nadatngan kanun ya Timpu niya Apu. Madi kayu ngarud patiyen diyan orey no itu ya ipaikagi kanu ne̍ Apu Diyus igida gapu kanu iya Ispiritu na, se̍ madi kayu pe̍ patiyen orey no uwed mangasaba iya agten iyan winno uwed kanu naisurat nga gayat dakami.

1 Timutyu 4:1

Nalawag to nipacpakaemmu niya Ispiritu Santu, nga uwed nad kanu duduma nga pumanaw iya pammati tida, nga suruten da ya panursuru diya mangallilaw nga manursuru, se̍ ya panursuru nga tumaud kadiya sacsairu.

2 Timutyu 3:13

Ket diya paiturayan ka dake̍c, ad-adda nad met nga dumake̍c da. Ket se̍ diya mangal-allilaw, ket kumarkaru nad met pe̍ ya panangallilaw da kadiya toley. Ngem igida ngas met ya maallilaw nga tutu.

2 Pe̍dru 2:1

Ngem itun, uwed da met pe̍ mammadtu nga nagkunen nga mangikaskasaba da kanu iya kagi ne̍ Apu Diyus kadiya toltoley, ngem busid da met. Ket agten pe̍ iyan ita nga timpu, ta uwed met pe̍ mangisursuru ka busid dakayu nga mamati. Sisisikap da met nga mangisursuru kadiya busid nga sursuru da. Ket didi nga sabali nga sursuru da, mamagsisina da kadiya panpanunut nu. Ket ilibac da met pe̍ nge̍ Kristu nga Apu, nga nangsaka igida. Ket gapu iyan, igida mettas ya mangariman ka kellat nga pannakadusa da nga umbe̍t nad igida.

1 Juan 2:18

An-anac ku, dandani mettin ya panagpatingga nidi nga timpu. Ket nasuruwan kayun nga uwed umbe̍t nga mangkuntra e̍ Kristu no matungpal yani nga timpu win. Ket ita, adu mettin diya kumunkuntra e̍ Kristu. Itu nga emmu tida nga dandani ya kaodiyan nga timpu win.

1 Juan 2:7

Patpatgec nga kakabsat, bekken nga kabarbaru yani nga bilin nga isurat ku dakayu, ta sigud met nga naipakaemmu dakayun, manipud ito damu nito panamati nu. Dikad pe̍ bekken nga sabali yani nga ibagac dakayu, no di ket itu met to naipadamag dakayu itun.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

3 Juan 1:11

Patgec nga gayyem, madi ka kuma ngarud tuladen ya ugali nga dake̍c, no di kuma ya nabaru ya tuladen nu. Ya agariman ka nabaru, ket kameng ne̍ Apu Diyus. Ngem ya agariman ka dake̍c, madi pekkem makaawat maipanggep iya gangey ne̍ Apu Diyus.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.