1 Juan 3:4 - Ya Baru nga Tulag

⁴ Ngem ya orey nagan na nga agariman ka basul, ket agariman met ka maikuntra iya paglinteggan ne̍ Apu Diyus, ta maikuntra iya linteg na ya basul.

1 Juan 3:4 Iomraidhean Croise

Matyu 5:19

Itu nga ya orey nagan na nga toley nga madi na gabay ya agtungpal iya isa kadiya bilbilin niya Linteg, orey no isa ngas nga bilin nga naibilang nga e̍teng ngas ya pateg na, se̍ no isuru na pe̍ kadiya toley nga madi da kanu masapul nga agtungpal kadiya bilbilin niya Linteg, ket maibilang nad met pe̍ yan nga toley nga kanumuwan ya kasasaad na kadiya iturayan niya Nailangitan. Ngem ya toley nga agtungpal nga gennung kadiya bilbilin niya Linteg se̍ mangisuru pe̍ kadiyan, ket maibilang nad met pe̍ nga napateg kadiya iturayan niya Nailangitan.

Aramid 23:3

Ket kinagi ne̍ Pablu e̍ Ananyasin, “Dusaen naka nad met pe̍ nge̍ Apu Diyus, ta aginnanacman ka ngas met! Ta ukumen nac ya kunem maikanatad iya Linteg tida, ngem ikew kuma ya maukum. Ta ikew mettin ya nangkuntra iya Linteg ito nipatungpa nac,” kunen na.

Ruma 3:20

Itu nga awan toley nga mapalinteg iya imatang ne̍ Apu Diyus gapu iya panagtungpal na iya Linteg. Ta ya Linteg, itu mettas ya mangipakaemmu dactida kadiya basbasul tida.

Ruma 4:15

Ngem bekken ngarud nga ya Linteg ya gapu nito kari ne̍ Apu Diyus itun, ata ya Linteg, itu met ya pakalak-aman diya toley iya unget ne̍ Apu Diyus. Ket tutu met nga maibilang ngarud diya basul diya toley, malacsid no awan linteg nga nabangun.

2 Kurintu 12:21

Madanagan nac ngarud maipanggep idi nga isasacwar ku manin dakayu. Ta kaynun no paalyewwen nac ya Diyus ku maigapu dakayu, no mapaladingit tac nad gapu kadiya adu nga nakabasul iyan. Ta kaynun no madi da pekkem babawiyen dito dake̍c nga ugali da, nga agten iya pannakikamalala, se̍ ya panagtungtungpal da kadiya naalas nga ricricna niya beggi da.

Santiyagu 5:15

Ket malaingan yan nga agsakit gapu iya panagkararag nu nga sipapati iya Apu, ta ya Apu mettas ya mangpalaing igina. Ket no uwed basul niyan nga agsakit, mapakawan met pe̍ yin.

1 Juan 5:17

Tutu met nga basul ya amin nga dake̍c nga wanglen niya toley, ngem uwed met pe̍ panagbasul nga madi agbanag ka patey.