1 Juan 3:3 - Ya Baru nga Tulag

³ Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.

1 Juan 3:3 Iomraidhean Croise

Matyu 5:48

Ngarud, dakayu, masapul nga agbalin kayu nga awan pagkurangan iya panagbiyag nu, nga agten mettas iya gangey niya nailangitan nga Ama nu, nga awan pagkurangan na.”

Lukas 6:36

Ngarud, dakayu, masapul nga managkaasi kayu, nga agten mettas iya gangey niya Ama nu nga managkaasi.”

Juan 17:19

Ket gapu igida, isnup ku ya beggic nga agsirbi ikew, tasun igida, maisnup da kuma pe̍ nga maipaay ikew, gapu iya kagim nga kinapudnu.

Aramid 15:9

Ket nipada met ne̍ Apu Diyus ya inariman na kadiya bekken nga Hudyu dactida nga Hudyu. Ta nibilang na da pe̍ nga nadalus kadiya basbasul dan, gapu iya panamati da.

Ruma 15:12

Ket kinunen pe̍ nito mammadtu nga Isayas nga, “Uwed nad maiyanac nga isa nga kapututan ne̍ He̍sse̍, ket igina nad met ya maisaad nga mangituray kadiya bekken nga Hudyu. Ket igina nad pe̍ ya pangnamnamaan diya bekken nga Hudyu,” kunen na.

2 Kurintu 7:1

Ket dakayu nga patpatgec, gapu kadiyan nga nikarkari ne̍ Apu Diyus dactida, ipac tida kuma ngarudin diya amin nga makapadake̍c iya beggi winno panpanunut tida. Ket an-anayen tida lugud ya panagbiyag tida nga sililinteg, gapu ta daydayawen tida nga situtuluc nge̍ Apu Diyus.

Kulusas 1:5

Ket idi nga panamati nu se̍ panagayat nu, maitutup met iya namnamaen nu, nga itu ya namnama nga naisagana para dakayu ka langit. Nadamag nu ya maipanggep iyan nga namnama ito naipakaemmu dakayu ya kinapudnu itun, nga itu mettas ya Makaparagsac nga Damag.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

Titu 3:7

Winangel ngarud ne̍ Apu Diyus yan, tasun gapu iya siaayat nga asi na dactida, mabalin nga mapalinteg tida iya imatang nan. Ket iya agten iyan, dactida ya agbalin nga patawidan nan, nga namnamaen tida ya biyag nga agnanayun.

He̍briyu 12:14

Arimanen nu ya amin nga kabaellan nu nga makikinnaawatan kadiya amin nga toley. Ket se̍ ikagumaan nu pe̍ ya pumaris iya kinalinteg ne̍ Apu Diyus, ta emmu tida nga ya toley nga awan igina ya agten iyan nga kinalinteg, madi na nad masingen ya Apu.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

Santiyagu 4:8

Umadenni kayu ngarud e̍ Apu Diyus, ket e̍ Apu Diyus, umadenni pe̍ dakayu. Ket dalusan nu lugud ya kinadake̍c diya nakem nun, dakayu nga managbasul! Ilaylayun nu lugudin ya panangipateg nu e̍ Apu Diyus, dakayu nga agduwaduwa iya panamati nu!

1 Pe̍dru 1:15

Ket ya gangey nu nga gennung ita kadiya amin nga wangwanglen nun, ket nalinteg kuma met, nga maiparis kuma ngarud iya kinalinteg ne̍ Apu Diyus nga nangawis dakayu.

1 Pe̍dru 1:3

Madaydayaw kuma ngarud nge̍ Apu Diyus, nga Diyus se̍ Ama niya Apu tida nga Je̍su Kristu! Ta gapu iya dackel nga asi na dactida, ne̍cdan nactida ka nabalbaliwanin nga pannakaiyanac. Itu ya nakabiyagan tida nga pagnamnamaan tidan, nga nae̍cde̍ dactida gapu iya panagungar ne̍ Je̍su Kristu.

2 Pe̍dru 1:4

Ket gapu iya kinadayaw se̍ kinalaing na, nikari na dactida diya napapateg se̍ nakaskasdaaw nga unay nga karkari na. Tasun iyan, gapu kadidi nga karkari na, maliclikan nu kuma diya makapadake̍c nga uwed idi nga lubung gapu kadiya dake̍c nga tarigagay niya toley, tasun makipaglak-am kayu kuma iya gangey ne̍ Apu Diyus.

2 Pe̍dru 3:14

Dikad pe̍ dakayu nga patpatgec, gapu ta namnamaen nu diyan, wanglen nu kuma ya patingga niya kabaellan nu nga mangtungpal kadiya gabay ne̍ Apu Diyus, tasun ibilang nakayu nga awan mansa winno pagkurangan na, nga katunus nakayun.

1 Juan 2:6

Ya agkunen nga, “Laglagipec nge̍ Apu Diyus,” kunen na, ket masapul nga tuladen na met ya nalinteg nga ugali ne̍ Apu Je̍sus.

1 Juan 4:17

Ket iya agten iyan, matungpal nad ya panggep ne̍ Apu Diyus maipanggep iya ayat na dactida, tasun sitatalged tida nad iya timpu niya panangukum na. Agtalged tida ngarud met gapu ta iparparis tida met ita idi nga lubung ya ugali tida iya ugali ne̍ Kristu.