1 Juan 3:23 - Ya Baru nga Tulag

²³ Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 3:23 Iomraidhean Croise

Matyu 22:39

Ket ya maikadduwa nga bilin nga ipalagip ku ikew, ket agten mettas ito nona ya pateg na: ‘Ayatem ya padam nga toley, nga agten mettas iya panagayat mu iya beggim.’

Markus 9:7

Ket uwed met ulep itun nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Ipangag nu ngarud ya kagi na!” kunen na.

Juan 1:12

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 13:34

“Ket itan, uwed kabarbaru nga bilin nga ibagac dakayu: Masapul nga agiinnayat kayu. Ket no kumaan niya panagayat ku dakayu, ket agten iyan kuma pe̍ ya panagayat nu iya tunggal isa dakayu.

Juan 14:1

Kinunen manin ne̍ Je̍sus kadito adalan na, “Madi kayu kuma madanagan winno masicsikuran maipanggep iya ipapanaw ku, no di lugud mamati kayu e̍ Apu Diyus se̍ mamati kayu met pe̍ iyaken.

Juan 15:12

Idi ya bilin ku dakayu: Agiinnayat kayu nga agten mettas iya panagayat ku dakayu.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 2:23

Ket itun, uwed nge̍ Je̍sus ka He̍rusale̍m ito madama ya timpu Padaya Nitatalib. Ket adu diya namati iya turay na, gapu ta nasingen da diya nakaskasdaaw nga pagilasinan nga inar-ariman na.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 6:29

Ket kinunen ne̍ Je̍sus, “Idi ya gabay ne̍ Apu Diyus nga wanglen nu: Patiyen nu kuma ngarud ya nibon na,” kunen na.

Aramid 16:31

Ket kinunen da igina, “Mamati ka e̍ Apu Je̍sus, tasun maisalakan ka, agten pe̍ kadiya kakobung mu,” kunen da.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

1 Te̍salunika 4:9

Ket maipanggep iya panagayat nu kadiya kakabsat nu ka pammati, bekken nin nga masapul nga isurat mi dakayu maipanggep iyan. Ta e̍ Apu Diyus mettas ya nangisuru dakayu iya panagiinnayat nu.

1 Timutyu 1:15

Tandaanam kuma yani nga ibagac, ata pudnu met yani, se̍ gabay ku no awan kuma madi mamati iya amin nidi: Inumbe̍t nge̍ Kristu Je̍sus idi nga lubung tasun isalakan na diya uwed basul da. Ket iyaken met ya kadake̍kan iya amin!

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Pe̍dru 4:8

Ket ya kangrunaan na, ituluy nu kuma nga pe̍yeng ya panagiinnayat nu nga sipapasnec. Ta ya panagayat, itu ya pakalingdan diya adu nga basbasul.

1 Juan 2:7

Patpatgec nga kakabsat, bekken nga kabarbaru yani nga bilin nga isurat ku dakayu, ta sigud met nga naipakaemmu dakayun, manipud ito damu nito panamati nu. Dikad pe̍ bekken nga sabali yani nga ibagac dakayu, no di ket itu met to naipadamag dakayu itun.

1 Juan 3:11

Agten iyan ngarud, ta ya naisursuru dakayu manipud ito damu kayu nga mamati, ket idi met: Agiinnayat tida kuma.

1 Juan 4:15

Ket diya orey nagan na nga umannamung iya panursuru nga Anac ne̍ Apu Diyus nge̍ Je̍sus, laglagipen ne̍ Apu Diyus da, se̍ laglagipen da met pe̍ nge̍ Apu Diyus.

1 Juan 4:21

Ngarud, uwed met ya nibilin ne̍ Kristu dactida, nga ya agayat e̍ Apu Diyus, masapul met pe̍ nga agayat iya kapada na.

1 Juan 5:13

Isurat ku didi nga banag dakayu nga mamati iya kinaturay niya Anac ne̍ Apu Diyus, tasun maemmuwan nu nga uwed dakayun ya biyag nga agnanayun.