1 Juan 3:22 - Ya Baru nga Tulag

²² Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.

1 Juan 3:22 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 21:22

Se̍ orey nagan na nga adngen nu nga sipapati iya kararag nu, ket maalac nu nga tutu,” kunen na.

Markus 11:24

Dikad pe̍ ibagac ngarud dakayu nga orey nagan na nga adngen nu iya kararag nu, basta patiyen nu kuma nga maalac nu, ket maipaay met nga tutu dakayu.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 6:29

Ket kinunen ne̍ Je̍sus, “Idi ya gabay ne̍ Apu Diyus nga wanglen nu: Patiyen nu kuma ngarud ya nibon na,” kunen na.

Juan 8:29

Ket pe̍yeng met nga uwed iyaken ya nangibon iyaken. Madi nac ngarud pinanawan, gapu ta diya banbanag nga makaay-ayu igina, itu ya kanayun ku nga wangwanglen,” kunen na.

Juan 9:31

Emmu tida met nga madi ikasu ne̍ Apu Diyus diya adngen diya managbasul. Ngem ikasu na met ya orey nagan na nga managdayaw igina se̍ agtungpal iya tarigagay na.

Aramid 17:30

Ket itun nga timpu, nipampamoya ngas ne̍ Apu Diyus diya wangwanglen diya toley, ta madi da pekkem emmu itun ya kustu nga wanglen da. Ngem itan, bilinen na diya amin nga toley iya amin nga lubung nga agbabawi dan.

Aramid 20:21

Se̍ napasnekkac pe̍ nga mangbagbaga kadiya kapadac nga Hudyu, se̍ orey pe̍ kadiya bekken nga Hudyu, ta nibagac nga sumurut da kuma nga sibababawi e̍ Apu Diyus se̍ mamati da iya Apu tida nga Je̍sus.

Pilipus 4:18

Ket kustu mettin to nae̍cde̍ iyaken, ket nagsursuruc pe̍ lugudin. Ta awan pulus masapul kun, gapu ito nipakagtu nu e̍ E̍papruditu nga para iyaken. Ket naibilang ngarud nga nabangug nga pagdatun nu ditun nga ne̍cde̍ nu, nga isa nga datun nga annamungan ne̍ Apu Diyus, nga pakaragsakan na.

Kulusas 1:10

Ket agten iyan ngarud ya ikarkararag mi, ta gabay mi no agbiyag kayu kuma nga tumutup iya Apu. Ta diyan nas makaay-ayu igina ya pe̍yeng nu nga wangwanglen kuma, ta agbanag kuma ka nabaru diya amin nga nadumaduma nga wangwanglen nu, se̍ umad-adu kuma pe̍ ya pannakaemmu nu maipanggep iya gangey ne̍ Apu Diyus.

He̍briyu 13:21

Ngarud, e̍ Apu Diyus met ya pagkararagac maipanggep dakayu, ket ikararag ku nga ipaay na kuma dakayu diya amin nga nabaru nga masapul nu, tasun makatungpal kayu kuma iya tarigagay na. Ket sapay kuma ta e̍ Apu Diyus, ipawangel na dactida diya makaay-ayu mettas igina, gapu iya tulung ne̍ Je̍su Kristu dactida. Ket madaydayaw kuma ngarud nge̍ Je̍su Kristu ka agnanayun nga awan patingga na. Agten iyan kuma ngarudin.

Santiyagu 1:5

Ket no uwed dakayu ya agkurang ka kinasirib na maipanggep kadidi, ikararag na kuma nga adngen e̍ Apu Diyus, ket suruwan ngarud ne̍ Apu Diyus. Ta manage̍cde̍ nge̍ Apu Diyus kadiya amin nga toley, se̍ madi na paalyewwen diya agadeng igina.

Santiyagu 4:3

Ket orey no agadeng kayu e̍ Apu Diyus, madi kayu met mae̍cdan, ta dake̍c ya panggep nu, nga adngen nu was diya makaay-ayu dakayu.

Santiyagu 5:16

Itu nga no uwed agsakit dakayu, ket ya tunggal isa dakayu, ipakaemmu na kuma nga situtulnug diya basul na, kadiya pada na nga mamati. Se̍ agkikinnararag kayu kuma tasun maagasan kayu. Ta dackel nga unay ya maitulung niya napasnec nga kararag niya toley nga naibilang nga nalinteg.

1 Juan 2:3

Ket masiguradu tida nga tutu nga em-emmu tida nge̍ Apu Diyus no tungpalen tida diya bilbilin na.

1 Juan 5:14

Ket sinanama tida e̍ Apu Diyusin, ta emmu tida nga ipangag nactida iya orey nagan na nga adngen tida igina nga maitutup iya tarigagay na.