1 Juan 3:2 - Ya Baru nga Tulag

² Patpatgec nga kakabsat, an-anac nactida ngarud nge̍ Apu Diyusin. Ngem orey an-anac nactidan, bekken pekkem nga naipakaemmu dactida no kumaan nad niya pagbanagan nidi nga kasasaad tida. Ngem emmu tida nga no agparang nad manin nge̍ Kristu idi nga lubung, agbalin tida met nga agten igina. Ta no masingen tida, nalawag nad dactidan ya kinapudnu maipanggep igina.

1 Juan 3:2 Iomraidhean Croise

Matyu 5:8

Nagasat diya nadalus ya panpanunut da, ta igida ya makasingen nad met e̍ Apu Diyus.

Lukas 17:30

Ket agten nad pe̍ iyan no timpu niya panagparang niya Anac nga Naipatoley.

Lukas 20:36

Agten nad ngarud iyan, ta pulus nga madi da nad matey yin, gapu ta agten da nad kadiya anghe̍le̍s, se̍ gapu ta an-anac ne̍ Apu Diyus dan, nga tinawid da met ya panagungar dan.

Juan 1:12

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 11:52

Ket bekken nas nga maipaay igida, no di pe̍ kadiya maibilang nga an-anac ne̍ Apu Diyus nga naiwaraswaras kadiya nadumaduma nga pagiliyan. Agten iyan ngarud tasun diya anac ne̍ Apu Diyus, maitipun da nga amin iya is-isa nga bungguy ne̍ Apu Diyus.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

Ruma 8:18

Ket no utubec ya kinadayaw nga dumateng dactida no ipakaemmu nad ne̍ Apu Diyus, ket pulus nga madic ikinkiney yin diya rigrigat ku idi nga lubung.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

Ruma 8:29

Ta itun pekkem, emmu ne̍ Apu Diyusin diya toley nga isaad na ita. Ket igida diya sigud nga panggep na nga pagbalinen nga pakasingnan mettas iya gangey ne̍ Je̍su Kristu nga Anac na, tasun e̍ Je̍su Kristu ya maibilang nga kainunaan se̍ katurayan nga kabsat diya amin nga pagbalinen ne̍ Apu Diyus nga anac na.

1 Kurintu 13:12

Ket agten pe̍ iyan ya kasasaad tida ita, ta ita nga timpu, arig nga sumingsingen tida kadiya nasarmingan nas nga banbanag nga bekken pekkem nga nabatad. Ngem natarus nad mettas ya pannakaawat tida. Ngarud, ita nga timpu, kurang pekkem ya pannakaawat ku maipanggep e̍ Apu Diyus. Ngem maawatac nad met ya aminin, agten mettas iya pannakaawat ne̍ Apu Diyus iya amin maipanggep iyaken nin.

1 Kurintu 15:49

Ket ya gangey tida ita, agten mettas ito nona nga toley nga nagtaud iya ginet. Ngem masukatan nad mettas, tasun agten mettas ito toley nga nagtaud ka langit ya gangey tida.

1 Kurintu 2:9

Ngem agten mettas iya naisurat iya Bibliya nga kunen na, “Ya nakaskasdaaw nga madi pekkem nga nas-asingen diya toley se̍ ya madi da pekkem nga nagicgicna, se̍ ya madi da pekkem ipagarup nga mapasamac, ket itu mettas ya panggep ne̍ Apu Diyusin para kadiya agayat igina,” kunen na.

2 Kurintu 3:18

Dikad pe̍ dactida nga amin nga mamati e̍ Kristu, maiyarig tida ka sarming nga pakasingnan iya kinadayaw niya Apu, nga awan dactidan to arig nga manglinged. Ket kankanayun tida nga mapabaru gapu iya Apu, nga itu ya Ispiritu, tasun maitutup tida kuma iya kinadayaw na.

2 Kurintu 4:17

Ta amin didi nga pakaparparigatan mi, bekken da nga nadagsen winno agnanayun. Ket itured mi ngasin, gapu iya panagnamnama mi iya kinadayaw nga mae̍cde̍ nad dakami gapu iya panangitured mi kadidi nga pakaparparigatan mi ita. Ket iyan nga kinadayaw, madi ngarud agpatingga se̍ awan kapada na.

Galasiya 3:26

Ta gapu iya panamati nu, nagbalin kayu nga amin nga an-anac ne̍ Apu Diyusin, gapu iya pannakaitipun nu e̍ Kristu Je̍sus.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.

Kulusas 3:4

Ket nad no agparang manin nge̍ Kristu nga pagtaudan mettas nidi nga biyag nu, ket maiparangarang kayu nad pe̍ iginan, nga itu nad ya pannakairaman nu iya pakaidayawan nan.

He̍briyu 9:28

Ket agten pe̍ iyan nge̍ Kristu, ta nam-ame̍nsan ngas nga naidatun, ket kustu para iya amin nga timpu to pannakaidatun na. Naidatun ngarud tasun inagtu na nga nipac diya basbasul diya adu nga toltoley. Ket agparang nad manin nge̍ Kristu ka maikadduwa, ngem bekken nin nga maigapu ka basul ya maikadduwa nga umbe̍tan na, no di lugud tasun mailayunin ya panangisalakan na dactida nga sinanama nga agpadpadaan igina.

2 Pe̍dru 1:4

Ket gapu iya kinadayaw se̍ kinalaing na, nikari na dactida diya napapateg se̍ nakaskasdaaw nga unay nga karkari na. Tasun iyan, gapu kadidi nga karkari na, maliclikan nu kuma diya makapadake̍c nga uwed idi nga lubung gapu kadiya dake̍c nga tarigagay niya toley, tasun makipaglak-am kayu kuma iya gangey ne̍ Apu Diyus.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

1 Juan 2:7

Patpatgec nga kakabsat, bekken nga kabarbaru yani nga bilin nga isurat ku dakayu, ta sigud met nga naipakaemmu dakayun, manipud ito damu nito panamati nu. Dikad pe̍ bekken nga sabali yani nga ibagac dakayu, no di ket itu met to naipadamag dakayu itun.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:10

Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 3:21

Ket agten idi, patpatgec nga kakabsat: No awan emmu tida nga basul tida, agtalged tida iya imatang ne̍ Apu Diyus.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.

Paltiing 2:28

Ket igida nad met pe̍ ya pangisagutac iya arig nga bituwen nga aggundaway iya parbangun.

Paltiing 22:4

Masingen da nad ya rupa na mettas, ket maisurat nad ya nagan na iya muging da.