1 Juan 3:19 - Ya Baru nga Tulag

¹⁹ Ket ya napudnu nga panagayat tida iya kapada tida, itu ya pakaemmuwan tida nga kameng nactida ya pudnu nga pammati. Ket iya agten iyan, agtalged tida pe̍ iya imatang ne̍ Apu Diyus.

1 Juan 3:19 Iomraidhean Croise

Juan 13:35

Itu ya pagilasinan diya toltoley nga pasurut nakayu nga tutu, no agiinnayat kayu,” kunen na.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Ruma 4:21

Sinanama nga unay nge̍ Abraham itun nga kabaellan nga tungpalen ne̍ Apu Diyus to kari na igina.

Ruma 8:38

Ta siguraduwec nga awan makaisina dactida iya panagayat ne̍ Apu Diyus dactida, orey no ya pannakapatey man, winno orey nagan na nga mapasamac iya biyag tida. Awan ngarud makaisina dactida iya panagayat na, orey no diya anghe̍le̍s man, winno diya sabali nga di masingen nga agturay se̍ diya orey nagan na nga uwed pannakabalin na, winno diya mapasamac ita winno iya maadpangan.

2 Timutyu 1:12

Ket itu ya gapu na nga laklak-amec didi nga rigrigat ku. Ngem orey agten iyan, awan iyalyew ku kadidi, gapu ta em-emmuc met yan nga talkec. Ket siguradu wac met nga igina ya makaaywan iyan nga nitalec na iyaken agingga nad iyan nga Timpu na.

He̍briyu 10:22

Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

He̍briyu 11:13

Ket amin ditun nga toley, natey da nga sipapati, orey madi da pekkem naawat itun to nikari ne̍ Apu Diyus igida. Ngem arig nga nasingen da mettin, gapu ta namati da. Ket iya agten iyan, binigbig da ngarud nga arig da nga gan-gannaet idi nga lubung, nga awan pekkem kustu nga ili da itun.

1 Juan 1:8

No kunen tida nga awan basul tida, allilawen tida ya beggi tida, ket madi tida met emmu ya pudnu nga pammati.

1 Juan 2:21

Madic met kunen nga madi kayu pekkem emmu ya pudnu maipanggep iya pammati tida, ta emmu nu ngarudin. Ngem isurat ku yani dakayu gapu ta gabay ku was nga ipalagip dakayu, se̍ gapu ta emmu nu met nga awan busid nga tumaud iya kinapudnu.

1 Juan 3:14

Dactida nga mamati, naiyalis tidan iya turay niya biyag, manipud iya turay niya patey. Ket ya panagayat tida kadiya kakabsat tida ka pammati, itu ya pakaemmuwan tida nga tutu yan. Ngem ya madi agayat kadiya kapada na, ket paiturayan met iya turay niya patey.

1 Juan 3:20

Ket orey no madanagan tida pekkem gapu kadiya basbasul tida, agtalged tida latta e̍ Apu Diyus. Ta ad-adu ya emmu ne̍ Apu Diyus ngem iya uwed iya panpanunut tida, ta emmu na ya amin.

1 Juan 3:21

Ket agten idi, patpatgec nga kakabsat: No awan emmu tida nga basul tida, agtalged tida iya imatang ne̍ Apu Diyus.