1 Juan 3:18 - Ya Baru nga Tulag

¹⁸ Patpatgec nga an-anac, ya panagayat tida, ket bekken kuma ngas nga kagi tida winno kasaba tida ya patingga na, no di lugud ipasingen tida ya panagayat tida gapu kadiya wangwanglen tida, tasun pudnu kuma ya panagayat tida.

1 Juan 3:18 Iomraidhean Croise

Lukas 7:5

ta patpatgen nactida nga Hudyu. Ket igina met ya nangipaariman iya paggigimungan iya ili mi,” kunen da.

Juan 17:19

Ket gapu igida, isnup ku ya beggic nga agsirbi ikew, tasun igida, maisnup da kuma pe̍ nga maipaay ikew, gapu iya kagim nga kinapudnu.

Ruma 12:9

Ket no maipanggep iya panagayat nu kadiya kapada nu, pudnu kuma ngas, nga awan busid na. Ipalikud nu kuma ya dake̍c, ket ya nabaru, itu ngas ya ipatpateg nu.

Galasiya 5:13

Ngem dakayu, kakabsat, napili nakayu ngarud nge̍ Apu Diyus nga mawayawayaan kadiya agten iyan nga paglinteggan. Ngem orey uwed yani nga wayawaya nun, madi kayu kuma gundawayan yani kadiya kumpurmi nga wanglen nu nga tarigagayan niya kinatoley nu, no di lugud gundaway nu kuma yani nga wayawaya nu nga agsisinnirbi, gapu iya panagiinnayat nu.

E̍pe̍su 4:15

Ngarud, bekken tida kuma nga agten kadiyan, no di tida kuma lugud siaayat nga agkagi ngas ka pudnu nga pe̍yeng. Ket no agten iyan, bumilbileg tida ngarud agingga nga agbalin tida nga awan pagkurangan nan, nga agten mettas iya gangey ne̍ Kristu nga pangulu tida.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 3:7

Patpatgec nga an-anac, madi kayu kuma nga maiyaw-awan iya kunen diya toley. Ta ya kinapudnu na, ya toley nga agar-ariman kadiya nalinteg, ket nalinteg met, nga agten mettas e̍ Kristu nga nalinteg.

2 Juan 1:1

Iyaken ya panglakayen. Agsurat tac ikew, manang nga pinili ne̍ Apu Diyus, se̍ kadiya an-anac mu. Sipupudnu wac nga agayat dakayu, ket bekken nas nga iiyaken ya agayat dakayu, no di pe̍ diya amin nga makaemmu iya pudnu maipanggep iya pammati tida.

3 Juan 1:1

Iyaken ya panglakayen. Agsurat tac ikew, patgec nga Gayu, nga ay-ayatec nga sipupudnu.