1 Juan 3:17 - Ya Baru nga Tulag

¹⁷ Ket no uwed makasingen iya kabsat na nga agkasapulan, ngem madi na kaasiyan orey uwed igina ya ikaasi na kuma, nalawag met nga bekken nga siaayat e̍ Apu Diyus.

1 Juan 3:17 Iomraidhean Croise

Lukas 3:11

Ket simungbat ngarud nge̍ Juan nga kinunen na, “Agten idi ya wanglen nu: Ya uwed duwa nga badu na, masapul nga e̍cde̍ na ya isa iya awan badu na. Se̍ ya uwed kanen na, masapul nga ibingayan na diya awan kanen na,” kunen na.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

He̍briyu 13:16

Ket di nu kuma pe̍ liwayan ya panagariman ka nabaru, se̍ ya panagtitinnulung nga siaasi. Ta diya agten kadiyan, arig da nga datun nu nga makaay-ayu e̍ Apu Diyus.

Santiyagu 2:15

Kaspagarigan, no uwed pada nu nga mamati, nga lalaki man winno babey, nga agkurang ka luput na se̍ kanen na iya inalgew.

Santiyagu 2:16

Ket no kunen niya isa dakayu igina, “Madi ka nga madanagan, a. Agpunyus ka tasun madi ka malminan, se̍ mangan ka ngas tasun mabsug ka,” kunen na. Ngem no madi kayu nga e̍cdan ka kasapulan na, awan met sirbi niya kinagkagi nu.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.