1 Juan 3:15 - Ya Baru nga Tulag

¹⁵ Ta orey nagan na nga gumura iya kapada na, maibilang nga pumatey. Ket emmu tida nga diya pumatey, madi da met paiturayan iya turay niya agnanayun nga biyag.

1 Juan 3:15 Iomraidhean Croise

Matyu 5:28

Ket ya ibagac dakayu, ket amin nga mangpanunut ka dake̍c maipanggep iya babey nga singsingen na, naibilang mettin nga makitipun igina iya panpanunut nan.

Markus 6:19

Itu nga kinalucsew nito He̍rudyas nge̍ Juan itun, ket ginabay na no mapatey kuma ngarud to Juanin, ngem awan met mabalinan na.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 8:44

Ta an-anac nakayu ngarud nge̍ ama nu, nga itu met ya diyablu. Ket ya tarigagay na, itu ya gabay nu nga tungpalen. Pumatpatey met nga sigud, manipud ito damu. Ket pulus nga di na kanunungan ya pudnu, ta awan pulus kinapudnu igina. Ket kadawyan na ya agbusbusid, ta sigud nga managbusid. Ket bekken nas nga iyan, ta igina met pe̍ ya pagtaudan diya amin nga kinabusid.

Aramid 23:12

Ket iya agsapa nito kadamlag na, uwed da Hudyu nga naguuman no kumaan niya panangpatey da e̍ Pablu. Nagkikinnari da nga nisapata da nga madi da kanu mangan winno uminum patingga ka di da mapatey nge̍ Pablu.

Aramid 23:14

Ket nawe̍ da nakitbar kadito pangpangulu diya agsirsirbi iya Te̍mplu se̍ kadito panglakayen diya Hudyu, nga kinunen da, “Uwed nisapata mi nga nagkikinnariyan mi, nga tutu nga madi kami mangan agingga ka di mi mapatey nge̍ Pablu.

Santiyagu 1:15

Ket no paiturayan kadiya dake̍c nga tarigagay na, itu win ya agbanag ka pakabasulan na. Ket ya panagbasbasul, agtungpal met ka pannakatey.

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

1 Juan 2:11

Ngem ya gumurgura iya kapada na, uwed pekkem iya gicbet, ket itu win ya sursuruten na. Ket ya agten iyan nga toley, madi met makailasin iya pennan na, ta arig nga nakulap gapu iya gicbet.

1 Juan 2:9

No uwed agkunen nga, “Makitipun nac kun iya wada,” kunen na kuma, ngem gumurgura met iya kapada na, ket nagicbet pekkem ya ugali na.

Paltiing 21:8

Ngem dake̍c nad nga gennung ya pagbanagan diya mangiyalyew iyaken, se̍ diya madi mamati iyaken, se̍ diya narugit ya nakem da, se̍ diya pumapatey, se̍ diya makikamalala, se̍ diya makibiyang kadiya sacsairu winno iya panaggamut, se̍ diya agdaydayaw kadiya didiyusen, se̍ diya amin nga managbusid. Ta ya pagbanagan didi, ket maipisuc da nad ngarud ito dackel nga edyan niya gumilgilab nga apuy se̍ burbura nga asupre̍, nga itu ya maikadduwa nga pannakatey,” kunen na.