1 Juan 3:14 - Ya Baru nga Tulag

¹⁴ Dactida nga mamati, naiyalis tidan iya turay niya biyag, manipud iya turay niya patey. Ket ya panagayat tida kadiya kakabsat tida ka pammati, itu ya pakaemmuwan tida nga tutu yan. Ngem ya madi agayat kadiya kapada na, ket paiturayan met iya turay niya patey.

1 Juan 3:14 Iomraidhean Croise

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

Lukas 15:24

Ta nibilang ku itun nga natey ya anac ku nga idi nin, ngem uwed mettas nga sibibiyag. Napukaw itun, ngem nasmac mettasin,’ kunen na. Ket rinugiyan da ngarud ya nagraragsac.

Lukas 15:32

Ngem ita, di met aya rumbeng no agragsac tida se̍ agyaman? Ta ya adim nga idi, nibilang tida nga natey yin, ngem uwed mettas nga sibibiyag. Napukaw dactida itun, ngem nasmac mettasin,’ kunen na.”

Lukas 7:5

ta patpatgen nactida nga Hudyu. Ket igina met ya nangipaariman iya paggigimungan iya ili mi,” kunen da.

Juan 13:35

Itu ya pagilasinan diya toltoley nga pasurut nakayu nga tutu, no agiinnayat kayu,” kunen na.

Juan 15:12

Idi ya bilin ku dakayu: Agiinnayat kayu nga agten mettas iya panagayat ku dakayu.

Juan 15:17

“Ngarud, ibilin ku dakayu yani: Agiinnayat kayu,” kunen ne̍ Je̍sus.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

2 Kurintu 5:1

Ket madi kami ngarud makumsa kadiya pakarigrigatan mi. Ta emmu mi nga orey no matey tida, se̍ mapirdi didi nga beggi tida, nga arig ngas nga bawi diya biyag tida idi nga lubung, ket emmu mi ngarud nga sukatan nad ne̍ Apu Diyus ka madi matey nga beggi no uwed tida ka langitin. E̍ Apu Diyus mettas ya paggayatan niyan nga agnanayun nga beggi nga maiyarig ka baley nga bekken nga inariman toley.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

E̍pe̍su 1:15

Tutu ngarud diyan, ket itu nga manipud ito nadamag ku ya panamati nu e̍ Apu Je̍sus se̍ ya panagayat nu kadiya amin nga toley ne̍ Apu Diyus,

E̍pe̍su 2:1

Ket dakayu, naibilang kayu itun nga natey yin iya imatang ne̍ Apu Diyus gapu iya kinadake̍c nu se̍ diya basbasul nu.

E̍pe̍su 2:5

Ta ito sibabasul tida pekkem nga naibilang nga natey yin iya imatang na, niraman nactida ito nangbiyag na e̍ Kristu ito pinagungar na. Ngarud, ya siaayat nga asi ne̍ Apu Diyus ngas met ya nakaisalakanan tida.

Kulusas 1:4

Siiiyaman kami ngarud, gapu ta nadamag mi ya panamati nu e̍ Kristu Je̍sus, se̍ ya ayat nu pe̍ kadiya amin nga toley ne̍ Apu Diyus.

1 Te̍salunika 4:9

Ket maipanggep iya panagayat nu kadiya kakabsat nu ka pammati, bekken nin nga masapul nga isurat mi dakayu maipanggep iyan. Ta e̍ Apu Diyus mettas ya nangisuru dakayu iya panagiinnayat nu.

He̍briyu 13:1

Ituluy nu kuma ya panagiinnayat nu gapu iya panagkakabsat nu ka pammati.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Pe̍dru 3:8

Ket ita, idi ya mod-odi nga ibagac: Dakayu nga amin, ket agkaykaysa kayu kuma kadiya panpanunut nu. Agsisinnakit kayu kuma, se̍ agiinnayat kayu nga arig nga diya agkakabsat. Ket mangaasi kayu kuma, se̍ agpakumbaba kayu pe̍.

2 Pe̍dru 1:7

Ket iya panagtungpal nu e̍ Apu Diyus, iraman nu kuma ya panangipateg kadiya kakabsat nu ka pammati. Ket iya panangipateg nu kadiya kakabsat nu, iraman nu kuma pe̍ ya panagayat.

1 Juan 2:3

Ket masiguradu tida nga tutu nga em-emmu tida nge̍ Apu Diyus no tungpalen tida diya bilbilin na.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.

1 Juan 5:13

Isurat ku didi nga banag dakayu nga mamati iya kinaturay niya Anac ne̍ Apu Diyus, tasun maemmuwan nu nga uwed dakayun ya biyag nga agnanayun.

1 Juan 5:2

Ket no ayaten tida nge̍ Apu Diyus se̍ tungpalen tida diya bilbilin na, emmu tida nga pudnu ya panagayat tida kadiya anac na.