1 Juan 3:12 - Ya Baru nga Tulag

¹² Bekken tida kuma nga agten ito Kain nga kameng niya diyablu nga managdacdake̍c. To Kain, pinatey na met to adi na itun. Ta dito wangwangel nito adi na, ket nalinteg. Ngem dito wangwangel ne̍ Kain nga gennung, dake̍c met. Itu ya gapu na nga pinatey na to adi na.

1 Juan 3:12 Iomraidhean Croise

Matyu 13:19

Agten idi ya banag na: Ya toley nga makagicna iya damag maipanggep iya nadiyusan nga panangituray ngem madi na maawatan ya banag na, ket arig nga umbe̍t ya diyablu nga managdacdake̍c nga rabsuten na ya kagi nga nagicna nito toley. Itu ya maiyarig kadito bukel nga naiwaris iya dalan.

Matyu 13:38

To lapug, itu ya lubung ngi. To nabaru nga eggic, itu diya toley nga agpaituray iya nadiyusan nga panangituray. Ket dito dake̍c nga ruut, itu diya toley nga agpaituray iya diyablu nga managdacdake̍c.

Matyu 23:35

Ket iya agten iyan, kargu nu met pe̍ ya pannakapatey dito amin nga napatey idi nga lubung nga awan natutup nga basul da. Didi diya napatey manipud ito pannakapatey nito Abe̍l nga awan pe̍ basul na itun, agingga ito pannakapatey nito Sakaryas nga anac nito Barakiyas, nga pinatey nu iya Te̍mplu enna nagbaettan nito pagdaydayawan se̍ to pagdatunan.

Matyu 27:23

Ket kinunen manin ne̍ Pilatu, “Ape̍ kadi? Nagan ngarud ya basul na?” kunen na. Ngem nakarkaru lugud to panangip-ipkaw da nga kinunen da, “Mailansa kuma ka krus!” kunen da met latta.

Matyu 5:37

Ngarud, pulus nga awan kuma pagsapata nu, ta ya ibaga nu kuma, basta ‘Bo’ no bo, se̍ ‘Bekken’ no bekken. Ta ya orey nagan na nga maidga kadidi, ket agtaud ngas met iya diyablu nga managdacdake̍c.”

Lukas 11:51

Itu met dito pinatey da manipud ito pannakapatey nito Abe̍l, agingga iya pannakapatey nito Sakaryas nga napatey iya Te̍mplu enna nagbaettan niya pagdatunan se̍ iya pagdaydayawan. Pudnu ngarud, nga dakayu mettas ita nga timpu ya makin-kargu kaditun nga panagpatey.

Juan 10:32

Ket e̍ Je̍sus, kinunen na igida, “Adu diya nabaru nga winangel ku nga nipawangel niya Ama iyaken. Nagan kadiyan nga winangel ku ya pangdampagan nu iyaken?” kunen na.

Juan 8:40

Ngem sapsapulen nu mettin ya gundaway nu nga mangpatey iyaken, orey ibagbagac ngas ya pudnu nga nipakaemmu ne̍ Apu Diyus iyaken. Bekken ngarud nga agten iyan ya winangel nito Abraham.

Juan 8:41

Ngem no dakayu, ket tultuladen nu ngarud ya gangey mettas niya ama nu,” kunen na. Ket kinunen da e̍ Je̍sus, “Ay! Kayat mu nga kagiyen aya nga bastardu kami? Is-isa met ya Ama mi, ket itu mettas nge̍ Apu Diyus,” kunen da.

Aramid 7:52

Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey.

1 Te̍salunika 2:14

Ta dakayu, kakabsat, agten kayun kadiya bungguy diya mamati nga taga-Hudya. Ta dito napaspasamac dakayu, agten met pe̍ ito napaspasamac kadiya toley ne̍ Apu Diyus nga mamati e̍ Je̍su Kristu enna Hudya. Ta pinarigat dakayu met pe̍ diya kailiyan nu agten met ito panangirurumen diya Hudyu kadiya mamati enna Hudya.

He̍briyu 11:4

Ket to Abe̍l, gapu ta uwed panamati na, napatpateg iya imatang ne̍ Apu Diyus to nidatun nito Abe̍l igina ngem ito nidatun nito Kain. Itu nga inannamungan ne̍ Apu Diyus to Abe̍l, nga nibilang na nga nalinteg. Ket nipakaemmu ne̍ Apu Diyus yani ito nipateg na to nidatun nito Abe̍l. Ket orey natey yin to Abe̍l, arig nga agkagkagi pekkem dactida gapu ka panamati, ta maadal tida pekkem ita gapu igina.

He̍briyu 12:24

Se̍ nadateng nu ngarud pe̍ yin ya edyan ne̍ Je̍sus, nga igina met ya mangibabaet dactida e̍ Apu Diyus sigun mettas iya paglinteggan niya baru nga tulag. Se̍ nakadateng kayu pe̍ yin iya nagbanagan nito daga na, nga itu ya pannakawarsi nga pakadalusan nun. Ket bekken ngarud nga agten nas ito naiyayus nga daga nito Abe̍l yan, no di lugud agsirbi iya namaymayat nga banag.

1 Pe̍dru 4:4

Ket diya kabulun nu itun, nasdaaw da itan, ta madi da maawatan no ape̍ nga madi kayu gabay ya makitipun igidan iya nalaka da nga panangtungpal kadito napalaus nga panagluku. Ket itu nga mamadpadake̍c da ngas dakayun.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.

Hudas 1:11

Kackaasi nad ngas diyan nga toley, ta iparparis da met diya ugali da ito dake̍c nga ugali nito Kain itun. Se̍ kuwarta met ya ipatpateg da, nga agten mettas ito pannakairradu nito Balaam. Ket pakaukuman da ngarud met ya panagsukir da, nga agten mettas ito Kure̍ itun.

Paltiing 17:6

Ket nasingec nga ne̍nglew met to babey, ta ine̍nglew na ya beggi na ito daga dito napatey nga toltoley ne̍ Apu Diyus, nga itu dito napatey gapu iya panangipakaemmu da iya pudnu maipanggep e̍ Je̍sus. Ket napalaus ngarud ya seddaaw ku ito nasingec to babey.