1 Juan 3:10 - Ya Baru nga Tulag

¹⁰ Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 3:10 Iomraidhean Croise

Matyu 13:38

To lapug, itu ya lubung ngi. To nabaru nga eggic, itu diya toley nga agpaituray iya nadiyusan nga panangituray. Ket dito dake̍c nga ruut, itu diya toley nga agpaituray iya diyablu nga managdacdake̍c.

Lukas 6:35

“Ngem ya wanglen nu kuma nga gennung, ayaten nu lugud diya kumuntra dakayu, ket nabaru ya ipaay nu igida. Ket agpautang kayu nga orey awan namnamaen nu nga maibayad. Ket no agten iyan ya wanglen nu, dackel met ya maigun-guna dakayu, ket anac nakayu nga tutu ya Kangatuwan maigapu ka ugali. Ta igina, kaasiyan na met orey diya toley nga madi makaemmu nga agyaman, se̍ diya dake̍c nga toley.

Juan 1:12

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 11:52

Ket bekken nas nga maipaay igida, no di pe̍ kadiya maibilang nga an-anac ne̍ Apu Diyus nga naiwaraswaras kadiya nadumaduma nga pagiliyan. Agten iyan ngarud tasun diya anac ne̍ Apu Diyus, maitipun da nga amin iya is-isa nga bungguy ne̍ Apu Diyus.

Juan 8:44

Ta an-anac nakayu ngarud nge̍ ama nu, nga itu met ya diyablu. Ket ya tarigagay na, itu ya gabay nu nga tungpalen. Pumatpatey met nga sigud, manipud ito damu. Ket pulus nga di na kanunungan ya pudnu, ta awan pulus kinapudnu igina. Ket kadawyan na ya agbusbusid, ta sigud nga managbusid. Ket bekken nas nga iyan, ta igina met pe̍ ya pagtaudan diya amin nga kinabusid.

Juan 8:47

No ya isa nga kameng ne̍ Apu Diyus, ipangag na ngarud diya kagi ne̍ Apu Diyus. Ngem dakayu, bekken kayu nga kamkameng ne̍ Apu Diyus, ket itu ya gapu na nga madi kayu ipangpangag diya kagi na,” kunen ne̍ Je̍sus.

Aramid 13:10

se̍ kinunen na igina, “Hoy, ikew! Anac naka nge̍ Satanas! Maikuntra ka kadiya amin nga nabaru. Naglaing mu ket lugud nga agbusbusid se̍ mangal-allilaw! Ape̍, ta pacpakilluwem ya nabaru nga kagi niya Apu?

Ruma 13:8

Awan kuma utang nu nga madi nu binayadan. Ngem uwed mettas arig nga utang nu nga madi kuma agpatingga, nga itu ya rebbeng nu nga agiinnayat. Ta ya toley nga ayaten na ya pada na, ket matungpal na met pe̍ yin ya linteg ne̍ Apu Diyus.

E̍pe̍su 5:1

Dikad pe̍ gapu ta an-anac nakayu nge̍ Apu Diyus nga patpatgen na, tumulad kayu kuma ngarud iya gangey na.

Kulusas 3:14

Ket ya kangrunaan ka amin didi nga saad nu, itu ya panagiinnayat nu. Ta itu yani ya mangpatunus kadiya amin, tasun awan pulus pagkurangan niya panagbubulun nu.

1 Timutyu 1:5

Ket ya panggep nidi nga bilin nga ibagbagac, ket tasun maipalagip kuma kadiya toley ennan ya maipanggep iya panagayat nga tumaud iya lemlemmet nga awan dake̍c nga panggep na, se̍ maipanggep iya natalna nga nakem, se̍ maipanggep iya napudnu nga panamati.

1 Juan 2:29

Ket emmu nu met nga nalinteg nge̍ Kristu. Itu nga emmu nu met pe̍ nga anac ne̍ Apu Diyus ya amin nga agariman iya nalinteg.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:2

Patpatgec nga kakabsat, an-anac nactida ngarud nge̍ Apu Diyusin. Ngem orey an-anac nactidan, bekken pekkem nga naipakaemmu dactida no kumaan nad niya pagbanagan nidi nga kasasaad tida. Ngem emmu tida nga no agparang nad manin nge̍ Kristu idi nga lubung, agbalin tida met nga agten igina. Ta no masingen tida, nalawag nad dactidan ya kinapudnu maipanggep igina.

1 Juan 4:21

Ngarud, uwed met ya nibilin ne̍ Kristu dactida, nga ya agayat e̍ Apu Diyus, masapul met pe̍ nga agayat iya kapada na.

1 Juan 4:6

Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

1 Juan 4:8

Ngem diya madi agayat, emmu tida nga madi da pekkem em-emmu nge̍ Apu Diyus, ta e̍ Apu Diyus met ya paggayatan niya ayat.

1 Juan 5:19

Emmu tida nga no dactida, kamkameng nactida nge̍ Apu Diyus. Ngem diya duduma nga toltoley iya lubung, kamkameng met niya diyablu nga managdacdake̍c.

1 Juan 5:2

Ket no ayaten tida nge̍ Apu Diyus se̍ tungpalen tida diya bilbilin na, emmu tida nga pudnu ya panagayat tida kadiya anac na.

3 Juan 1:11

Patgec nga gayyem, madi ka kuma ngarud tuladen ya ugali nga dake̍c, no di kuma ya nabaru ya tuladen nu. Ya agariman ka nabaru, ket kameng ne̍ Apu Diyus. Ngem ya agariman ka dake̍c, madi pekkem makaawat maipanggep iya gangey ne̍ Apu Diyus.