1 Juan 2:9 - Ya Baru nga Tulag

⁹ No uwed agkunen nga, “Makitipun nac kun iya wada,” kunen na kuma, ngem gumurgura met iya kapada na, ket nagicbet pekkem ya ugali na.

1 Juan 2:9 Iomraidhean Croise

Juan 9:41

Ket kinunen ne̍ Je̍sus igida, “No kulap kayu kuma nga tutu, mabalin nga awan pakabasulan nu. Ngem gapu ta kunen nu met nga makasingen kayu, naibilang ngarud nga uwed pekkem dakayu ya kargu nu,” kunen na.

Aramid 1:15

Ket iya isa nga algew itun, naguurnung diya mamati. Agdagup ngata ka sangagasut ket duwa nga pulu da. Ginumnukat nge̍ Pe̍dru ket nagkagi igida, nga kinunen na,

2 Pe̍dru 1:9

Ngem ya toley nga awan igina didi nga ugali, arig met nga toley nga nakulap winno madi makasingen ka nabay-at. Ta nale̍panan nan ya banag nito panangdalus ne̍ Apu Diyus igina kadiya basbasul nga winangwangel na itun.

1 Juan 1:6

Dikad pe̍ no sumurut tida pekkem kadiya nagicbet nga banbanag, agbusid tida met no kunen tida nga makibulun tida e̍ Apu Diyus, ket bekken nin nga ya pudnu nga pammati ya tungpalen tidan.

1 Juan 2:11

Ngem ya gumurgura iya kapada na, uwed pekkem iya gicbet, ket itu win ya sursuruten na. Ket ya agten iyan nga toley, madi met makailasin iya pennan na, ta arig nga nakulap gapu iya gicbet.

1 Juan 2:4

No uwed toley nga agkunen kuma nga, “Em-emmuc kun nge̍ Apu Diyus,” kunen na kuma, ngem madi na tungpalen diya bilbilin ne̍ Apu Diyus, ket agbusbusid met yan nga toley, ket madi na met emmu ya pudnu nga pammati.

1 Juan 3:10

Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.