1 Juan 2:4 - Ya Baru nga Tulag

⁴ No uwed toley nga agkunen kuma nga, “Em-emmuc kun nge̍ Apu Diyus,” kunen na kuma, ngem madi na tungpalen diya bilbilin ne̍ Apu Diyus, ket agbusbusid met yan nga toley, ket madi na met emmu ya pudnu nga pammati.

1 Juan 2:4 Iomraidhean Croise

Juan 8:44

Ta an-anac nakayu ngarud nge̍ ama nu, nga itu met ya diyablu. Ket ya tarigagay na, itu ya gabay nu nga tungpalen. Pumatpatey met nga sigud, manipud ito damu. Ket pulus nga di na kanunungan ya pudnu, ta awan pulus kinapudnu igina. Ket kadawyan na ya agbusbusid, ta sigud nga managbusid. Ket bekken nas nga iyan, ta igina met pe̍ ya pagtaudan diya amin nga kinabusid.

Titu 1:10

Ta kinapudnu na, adu diya sumukir nga toley, nga awan banbanag diya kagkagiyen da, se̍ mangallilaw da pe̍. Nangruna diya duduma nga Hudyu, itu diya agten iyan.

Titu 1:16

Em-emmu da kanu nge̍ Apu Diyus, ngem masingen tida iya wangwanglen da nga baybay-an da met. Makapaaryec ngarud diyan, se̍ managsukir da met pe̍. Itu nga awan mawangel dan nga maibilang nga nabaru.

1 Juan 1:10

No kunen tida nga madi tida nagbasul, ket arig met nga kunen tida nga agbusid nge̍ Apu Diyusin, ket madi tida pekkem patiyen ya kagi na.

1 Juan 1:6

Dikad pe̍ no sumurut tida pekkem kadiya nagicbet nga banbanag, agbusid tida met no kunen tida nga makibulun tida e̍ Apu Diyus, ket bekken nin nga ya pudnu nga pammati ya tungpalen tidan.

1 Juan 1:8

No kunen tida nga awan basul tida, allilawen tida ya beggi tida, ket madi tida met emmu ya pudnu nga pammati.

1 Juan 2:3

Ket masiguradu tida nga tutu nga em-emmu tida nge̍ Apu Diyus no tungpalen tida diya bilbilin na.

1 Juan 2:9

No uwed agkunen nga, “Makitipun nac kun iya wada,” kunen na kuma, ngem gumurgura met iya kapada na, ket nagicbet pekkem ya ugali na.

1 Juan 3:6

Dikad pe̍ ya toley nga silalagip e̍ Kristu, madi met agbasbasul. Ngem ya sibabasul nga toley, madi na pekkem nga nasingen nge̍ Je̍su Kristu, se̍ madi na pe̍ em-emmu.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.

1 Juan 4:7

Patpatgec nga kakabsat, agiinnayat tida kuma, ta gayat e̍ Apu Diyus ya ayat. Dikad pe̍ gapu ta gayat e̍ Apu Diyus ya ayat, emmu tida nga nagbalin nga anac ne̍ Apu Diyus diya amin nga agayat, se̍ emmu tida nga em-emmu da nge̍ Apu Diyus.