1 Juan 2:27 - Ya Baru nga Tulag

²⁷ Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

1 Juan 2:27 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Juan 14:16

Ket agadeng ngac nad iya Ama, ket paibon ku igina ya sumukat nga Mamagbaga dakayu, tasun uwed dakayu nga agnanayunin.

Juan 14:17

Ket igina met ya Ispiritu nga mangipakaemmu iya pudnu. Madi mabalin nga awaten diya bekken nga mamati yan nga Ispiritu, ta madi da malasin winno em-emmu. Ngem dakayu, em-emmu nu mettin, ta uwed dakayu, ket dakayu nad met ya pagedyanan na.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 6:45

Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

1 Kurintu 2:12

Ket no dactida, bekken nga ya panpanunut nga tumaud kadiya uwed idi nga lubung ya naipaay dactida, no di lugud ya Ispiritu ne̍ Apu Diyus, tasun maawatan tida diya amin nga banbanag nga nikaasi ne̍ Apu Diyus dactida.

1 Kurintu 2:13

Ket iya agten iyan, bekken nga ya kinasirib toley ya pagtaudan diya isuru mi, no di lugud ya Ispiritu ne̍ Apu Diyus. Ket idi nga ipakaemmu niya Ispiritu ne̍ Apu Diyus dakami, ket itu pe̍ yin ya ipakaemmu mi dakayu nga nae̍cdan pe̍ iya Ispiritu na.

2 Kurintu 1:21

Ket e̍ Apu Diyus met ya mangpatalged iya saad mi nga maigapu iya pannakaitipun tida e̍ Je̍su Kristu, nga agten met pe̍ iya saad nu. E̍ Apu Diyus pe̍ ya nangpili dactida nga maisaad igina.

E̍pe̍su 4:21

Ta tutu met nga nagicgicna nun ya panursuru nga gayat e̍ Je̍sus. Ket gapu iya pannakaitipun nu igina, naisuru met dakayun ya pudnu nga panursuru maipanggep iya panamati igina, ta emmu tida nga yan nas pudnu ya tumaud e̍ Je̍sus.

Kulusas 2:6

Ket gapu ta makiapu kayu e̍ Kristu Je̍susin, makitipun kayu kuma ngarud pe̍ igina iya panagbiyag nun.

1 Te̍salunika 2:13

Ket agyaman kami nga pe̍yeng e̍ Apu Diyus gapu ta ito nipakaemmu mi dakayu ya kagi ne̍ Apu Diyus, pinati nu. Nibilang nu nga tutu nga kagi nga gayat e̍ Apu Diyus, bekken nas nga kagi toley. Ket tutu met nga kagi ne̍ Apu Diyus yan nga mangiturturung dakayu nga mamati.

1 Te̍salunika 4:9

Ket maipanggep iya panagayat nu kadiya kakabsat nu ka pammati, bekken nin nga masapul nga isurat mi dakayu maipanggep iyan. Ta e̍ Apu Diyus mettas ya nangisuru dakayu iya panagiinnayat nu.

1 Timutyu 2:7

Ket itu pe̍ ya nakaibonac nga agapustul se̍ mangasaba nga mangisursuru kadiya bekken nga Hudyu iya pudnu maipanggep e̍ Kristu Je̍sus se̍ ya panamati igina. Tutu met yan nga kunec, ket bekken ku nga busbusid diyan!

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.

2 Juan 1:2

Ay-ayaten dakayu nga tutu maikanatad iya kinapudnu maipanggep e̍ Apu Diyus, ket silalagip tida nga pe̍yeng idi nga kinapudnu ita, se̍ ka agnanayun pe̍.