1 Juan 2:26 - Ya Baru nga Tulag

²⁶ Isurat ku didi dakayu tasun maawatan nu kuma maipanggep kadito mayat nga mangiyaw-awan dakayu.

1 Juan 2:26 Iomraidhean Croise

Markus 13:22

Ta uwed da nad agparang nga sinan-Kristu se̍ sinan-mammadtu, ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma diya pinili ne̍ Apu Diyus nga toley na.

Kulusas 2:18

Itu nga madi kayu lugud paiturayan kadiya mangallilaw dakayu, orey nagan na nga toley nga mangipapilit kuma dakayu iya ugali da. Ipapilit da ya ugali da nga mangiparit iya beggi kadiya kalinteggan toley. Se̍ ipapilit pe̍ diya agten iyan nga toley ya ugali da nga agdaydayaw kadiya anghe̍le̍s. Ta diya mangisursuru iya agten kadiyan, mayat da nga mangipaspasindayaw kadiya ipakaemmu kanu diya nailangitan igida. Ngem awan met banag nga tutu niya panangipaspasindayaw da, ta timaud das met kadiya nailubungan nga panpanunut da.

Kulusas 2:8

Agannad kayu ngarud, ta kaynun no macna kayu iya panagpilusupu diya mangallilaw kuma dakayu kadiya busid nga sursuru nga awan sirsirbi na. Bekken nga gayat e̍ Kristu ya sursuru da, no di lugud patauden da ngas kadiya ug-ugali toley, sigun mettas kadiya sursuru nga tumaud das idi nga lubung.

1 Timutyu 4:1

Nalawag to nipacpakaemmu niya Ispiritu Santu, nga uwed nad kanu duduma nga pumanaw iya pammati tida, nga suruten da ya panursuru diya mangallilaw nga manursuru, se̍ ya panursuru nga tumaud kadiya sacsairu.

2 Timutyu 3:13

Ket diya paiturayan ka dake̍c, ad-adda nad met nga dumake̍c da. Ket se̍ diya mangal-allilaw, ket kumarkaru nad met pe̍ ya panangallilaw da kadiya toley. Ngem igida ngas met ya maallilaw nga tutu.

1 Juan 3:7

Patpatgec nga an-anac, madi kayu kuma nga maiyaw-awan iya kunen diya toley. Ta ya kinapudnu na, ya toley nga agar-ariman kadiya nalinteg, ket nalinteg met, nga agten mettas e̍ Kristu nga nalinteg.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.