1 Juan 2:24 - Ya Baru nga Tulag

²⁴ Dikad pe̍ no dakayu, silalagip kayu kuma ngarud kadito naisuru dakayu, manipud ito damu nu pekkem nga mamati. Ta no pe̍yeng kayu nga silalagip kadiyan, pe̍yeng nu pe̍ nga laglagipen ya Anac se̍ ya Ama.

1 Juan 2:24 Iomraidhean Croise

Lukas 1:2

Nisurat da sigun mettas kadito naipadamag dactida, nga nibaga dito nakasingen kaditun nanipud ito damu, nga igida pe̍ diya nangikaskasaba iya kagi ne̍ Apu Diyus.

Lukas 9:44

“Panunuten nu kuma nga nalaing yani nga ibagac dakayu: Tutu met nga maiyawat nad ngarud ya Anac nga Naipatoley kadiya toley nga mangukum igina,” kunen na.

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 6:56

Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.

Juan 8:25

Ket kinunen da e̍ Je̍sus, “Nagan mu kad, nga agkagkagi ka agten iyan?” Ket kinunen ngarud ne̍ Je̍sus, “Iyaken mettas to nibagac dakayu manipud ito damu.

Pilipus 4:15

Ket dakayu nga iPilipus, emmu nu met nga ito damu nito panangikasabac dakayu iya Makaparagsac nga Damag, ito pimanaw wac ka Mase̍dunya, ket awan duduma nga bungguy nga nakitipun iyaken maipanggep iya mange̍cde̍ se̍ umawat, no di yas dacdakayu.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

He̍briyu 2:1

Ket gapu kadiyan nga banbanag, masapul ngarud nga lumallalu kuma ya panangipateg tida kadiya panursuru nga naadal tida, tasun bekken tida nga maiyaw-awan ka sabali.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 1:7

Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.

1 Juan 2:7

Patpatgec nga kakabsat, bekken nga kabarbaru yani nga bilin nga isurat ku dakayu, ta sigud met nga naipakaemmu dakayun, manipud ito damu nito panamati nu. Dikad pe̍ bekken nga sabali yani nga ibagac dakayu, no di ket itu met to naipadamag dakayu itun.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.

1 Juan 4:13

Nae̍cdan tida mettin iya nipaay ne̍ Apu Diyus dactida nga tumaud iya Ispiritu na. Ket iya agten iyan, emmu tida nga silalagip tida nga tutu e̍ Apu Diyus, se̍ silalagip met pe̍ nge̍ Apu Diyus dactida.

1 Juan 4:15

Ket diya orey nagan na nga umannamung iya panursuru nga Anac ne̍ Apu Diyus nge̍ Je̍sus, laglagipen ne̍ Apu Diyus da, se̍ laglagipen da met pe̍ nge̍ Apu Diyus.

1 Juan 4:16

Ket iya agten iyan, naemmuwan se̍ namnamaen tidan ya panagayat ne̍ Apu Diyus dactida. Ngarud, e̍ Apu Diyus ya paggayatan niya ayat. Dikad pe̍ ya toley nga silalagip iya panagayat na kadiya kapada na, ket silalagip pe̍ yin e̍ Apu Diyus, ket laglagipen met pe̍ ne̍ Apu Diyus yan nga toley.

2 Juan 1:2

Ay-ayaten dakayu nga tutu maikanatad iya kinapudnu maipanggep e̍ Apu Diyus, ket silalagip tida nga pe̍yeng idi nga kinapudnu ita, se̍ ka agnanayun pe̍.

2 Juan 1:9

Orey nagan na nga uwed sabali nga panursuru na, se̍ madi na laglagipen ya panursuru ne̍ Kristu win, awan pannakitipun na e̍ Apu Diyus. Ngem ya toley nga silalagip iya panursuru ne̍ Kristu, uwed met pannakitipun na iya Ama, ket bekken nas nga iya Ama no di pe̍ iya Anac.

3 Juan 1:3

Emmuc nga nabaru nga tutu ya nakem mu, ta uwed kakabsat tida nga inumbe̍t idi, ket naragsakan nac nga unay gapu ito nipadamag da iyaken. Ta nibaga da ya napudnu nga panagbiyag mu, nga sumursurut ka kanu iya pudnu nga pammati.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.

Paltiing 3:3

Itu nga laglagipem kuma ngarudin dito naad-adal mu, se̍ dito nagicgicnam. Tungpalem mun, ta agbabawi ka kuma ngarudin kadito basbasul mu. Ngem no madi ka agnakem, umbe̍t naka met dusaen nin, ket arig nga umbe̍t niya isa nga mannanakew ya umbe̍t ku ikew, ta madi ka maem-emmuwan no nungey.