1 Juan 2:20 - Ya Baru nga Tulag

²⁰ Ket no dakayu, uwed dakayun ya tulung nga ipaay niya Ispiritu Santu, ket makaemmu kayu nga amin iya kinapudnu win.

1 Juan 2:20 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Markus 1:24

Ket nipkaw na nga kinunen, “Je̍sus nga iNasare̍t! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Lukas 4:34

“Ay! E̍ Je̍sus nga iNasare̍t gayam! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 3:14

Ngem madi nu nipalubus nga pinaruwar ne̍ Pilatu nge̍ Je̍sus, orey igina ya nalinteg nga awan pagkurangan na iya imatang ne̍ Apu Diyus. Ket ya isa nga pumapatey nga gennung ya inun-unay nu nga nipairuwar e̍ Pilatu.

1 Kurintu 2:15

Ket diya toley nga paiturayan iya Ispiritu ne̍ Apu Diyus, ket malasin da ngarud ya kinapateg niya amin didi. Ket ya kinapateg diya agten kadiyan nga toley iya imatang ne̍ Apu Diyus, madi met malasin diya bekken nga mamati.

He̍briyu 1:9

Ya kinalinteg ya ipateg mu. Ket ya kinadake̍c, guraem. Itu nga iyaken nga Diyus mu, pinili naka nga mae̍cdan iya makaparagsac nga kinadayaw nga nangatngatu ngem iya nae̍cde̍ kadiya kabulun mu.”

He̍briyu 8:11

Ket madi nad masapul nga agsisinnuru diya agkakailiyan winno diya agkakabsatin maipanggep iya pannakaemmu da iyaken. Madi da nad ngarud masapul nga ibaga nga, “Makiyem-emmu ka kuma ngarud iya Apu.” Ata amin da, em-emmu dac nad mettin, orey diya toley nga e̍teng ngas ya dayaw da, se̍ pati diya kadayawan nga toley.

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

1 Juan 4:13

Nae̍cdan tida mettin iya nipaay ne̍ Apu Diyus dactida nga tumaud iya Ispiritu na. Ket iya agten iyan, emmu tida nga silalagip tida nga tutu e̍ Apu Diyus, se̍ silalagip met pe̍ nge̍ Apu Diyus dactida.

Hudas 1:5

Ket itan, uwed ipalagip ku dakayu, orey naisuru nga nalaing yani dakayu itun. Malagip nu ngarud to panangisalakan niya Apu kadito Israe̍lita ito pinaalis na da manipud ka E̍hiptu itun. Ngem laglagipen nu kuma pe̍ to napasamac kalpasan niyan, ta dito madi mamati itun, pinukaw na da met.

Paltiing 3:7

“Ket idi ya isurat mu iya anghe̍l nga agay-aywan iya bungguy mamati ka Pilade̍lpiya: “Itu yan ya kunen niya awan basul na se̍ napudnu iya imatang ne̍ Apu Diyus. Igina pe̍ ya agiturayin iya pagiturayan nito Ari Dabid, nga arig nga igina ya mangik-ikem iya tulbec niyan nga pagariyan. Ket no ilukat na ya giset na, ket pulus nga awan makaigiset tin. Ket no igiset na, awan met makailukatin. Agten idi ya kunen na:

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.