1 Juan 2:18 - Ya Baru nga Tulag

¹⁸ An-anac ku, dandani mettin ya panagpatingga nidi nga timpu. Ket nasuruwan kayun nga uwed umbe̍t nga mangkuntra e̍ Kristu no matungpal yani nga timpu win. Ket ita, adu mettin diya kumunkuntra e̍ Kristu. Itu nga emmu tida nga dandani ya kaodiyan nga timpu win.

1 Juan 2:18 Iomraidhean Croise

Matyu 24:11

Se̍ adu nad diya agparang nga mangikasaba ka busid, ket adu nad met diya maallilaw da.

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 24:5

Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken ya Kristu!’ kunen da nad met. Ket iya agten iyan, adu nad diya maiyaw-awan da.

Markus 13:6

Adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ kunen da nad met. Ket iya agten iyan, adu nad diya maiyaw-awan da.

Juan 21:5

Ket kinunen ngarud ne̍ Je̍sus igida, “Kabulun, uwed naalac nu?” kunen na. Ket kinunen da, “Awan met pulus.”

Ruma 13:11

Ket agten iyan kuma ya wanglen nu, ta emmu nu met ya kaipapennan niya agdama nga timpu, itu nga masapul nga agpuut kayu nga pe̍yeng. Ta ita, dendenni yin ya pannakatungpal niya pannakaisalakan tida ngem ito damu tida ya mamati.

Ruma 13:12

Ket no ya ita nga timpu, maiyarig iya itatalib niya gabi, no umagsapa ngin. Dikad pe̍ ipac tida kuma ngarudin dito dake̍c nga winangwangel tida ito timpu nga arig nga nagicbet. Ta arig nga algew ya agdama nga timpu wi. Ket diya nabaru kuma ngin ya ipasingen tida itan, ta diya nabaru nga banbanag, arig da nga armas nga tumutup nga mausar iya algew.

He̍briyu 1:2

Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.

1 Pe̍dru 1:20

Ket orey ito di pekkem naparsuwa yani nga lubung, e̍ Kristu ya napili yin nga maibon maikanatad iya sigud nga panggep ne̍ Apu Diyus. Ket iya ita nga kaodiyan nga timpu, naipakaemmu nge̍ Kristu win tasun agpaay dakayun.

1 Pe̍dru 1:5

Ket gapu iya panamati nu, aywanan nakayu nge̍ Apu Diyus gapu iya pannakabalin na patingga iya pakatungpalan niya naisagana nga pakaisalakanan tida nga maipakaemmu nad no kaodiyan nga algew.

1 Pe̍dru 4:7

Dandani met aggibus ya aminin, dikad pe̍ nanakem se̍ natanang kayu kuma nga managkararag.

2 Pe̍dru 2:1

Ngem itun, uwed da met pe̍ mammadtu nga nagkunen nga mangikaskasaba da kanu iya kagi ne̍ Apu Diyus kadiya toltoley, ngem busid da met. Ket agten pe̍ iyan ita nga timpu, ta uwed met pe̍ mangisursuru ka busid dakayu nga mamati. Sisisikap da met nga mangisursuru kadiya busid nga sursuru da. Ket didi nga sabali nga sursuru da, mamagsisina da kadiya panpanunut nu. Ket ilibac da met pe̍ nge̍ Kristu nga Apu, nga nangsaka igida. Ket gapu iyan, igida mettas ya mangariman ka kellat nga pannakadusa da nga umbe̍t nad igida.

2 Pe̍dru 3:3

Idi ya mona nga ipakaemmuc dakayu: Maawatan nu kuma nga iya kaodiyan nga timpu wi, uwed da nad mangnguyaw nga tumaud. Agtungtungpal da ngas kadiya dake̍c nga tarigagay diya begbeggi da, ket uy-uyawen dakayu nad met.

1 Juan 2:22

Ket no nagan ya agbusid nga kunec, ket itu ya mangagi nga bekken nga e̍ Je̍sus ya Kristu nga nibon ne̍ Apu Diyus. Itu met ya kunec nga kumuntra e̍ Kristu, ta ilibac na met ya Ama se̍ ya Anac.

1 Juan 4:1

Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

1 Juan 4:3

Ngem diya amin nga madi umannamung iya panursuru nga e̍ Je̍sus ya naipatoley nga nibon ne̍ Apu Diyus, ket bekken nga gayat e̍ Apu Diyus ya panpanunut da. Ket itu met yan ya panpanunut nga maikuntra e̍ Kristu. Nadamag nu ngarudin maipanggep iya umbe̍t nad nga mangkuntra e̍ Kristu. Ket orey ita, uwed mettin ya agten iyan nga panpanunut idi nga lubung.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

Hudas 1:18

Ta kinunen da dakayu nga, “No madatngan ya kaodiyan nga timpu win, uwed nad diya toley nga manguy-uyaw iya pammati nu. Ket agtungtungpal da kadiya dake̍c nga tartarigagay da kem pe̍ yasin,” kunen da.