1 Juan 2:16 - Ya Baru nga Tulag

¹⁶ Ta amin diya dake̍c nga ugali idi nga lubung, nga agten iya pakabasulan niya toley gapu kadiya tarigagay niya kinatoley na, se̍ ya panagagum kadiya masingen na, se̍ ya panangipasindayaw kadiya sansanicwa na, madi ngarud tumaud didi iya Ama, no di lugud tumaud kadiya uwed idi nga lubung.

1 Juan 2:16 Iomraidhean Croise

Matyu 4:8

Ket ya diyablu, nipen na manin nge̍ Je̍sus iya isa nga nangudu nga unay nga tageytey. Ket nipasingen niya diyablu igina diya amin nga pagpagariyan iya lubung, se̍ diya amin nga kinapaw-is nga uwed igida.

Matyu 5:28

Ket ya ibagac dakayu, ket amin nga mangpanunut ka dake̍c maipanggep iya babey nga singsingen na, naibilang mettin nga makitipun igina iya panpanunut nan.

Lukas 4:5

Kalpasan niyan, nipen niya diyablu nge̍ Je̍sus iya isa nga nangudu nga lugar. Ket iyan mettas nga kanitu, nipasingen niya diyablu igina diya amin nga pagpagariyan iya lubung.

Ruma 13:14

Ngem ya wanglen nu kuma nga gennung, ipada nu ngas ya ugali nu iya ugali ne̍ Apu Je̍su Kristu. Ket madi kayu palubusanin ya panangtungpal nu kadiya dake̍c nga tarigagay niya kinatoley nu.

1 Kurintu 10:6

Ket diyan nga napasamac itun, nagbalin da nga pakaemmu nga agpaay dactida, tasun madi tida kuma agtarigagay kadiya dake̍c nga agten igida itun.

Galasiya 5:17

Ta maikuntra ya tarigagay niya kinatoley iya tarigagay niya Ispiritu ne̍ Apu Diyus. Ket ya tarigagay niya Ispiritu ne̍ Apu Diyus, maikuntra met pe̍ iya tarigagay niya kinatoley. Ta agkuntra ngarud didi, itu nga bekken kayu nga nawaya nga agwangel iya gabay nu nga wanglen.

Galasiya 5:24

Ket diya toley nga naikameng e̍ Kristu Je̍sus, ibilang da nga natey yin ya tarigagay niya kinatoley da, nga arig nga nilansa dan ito krus, agraman diya naalas nga ricna da se̍ diya ke̍lugan da.

E̍pe̍su 2:3

Ket ya kinapudnu na, dactida nga amin, agten tida met pe̍ kadiyan itun. Diya kabucbukudan tida nga tarigagay met ya tinungtungpal tida itun, ta winangwangel tida ngas diya tinarigagayan diya beggi se̍ nakem tida. Ket gapu kadiyan nga gangey tida itun, sigud nga maikari tida ngas nga aglak-am iya unget ne̍ Apu Diyus, agten mettas kadiya duduma nga toltoley.

Titu 2:12

Ket itu win ya mangipakaemmu dactidan nga bay-an tida kuma ngin diya ug-ugali nga maikuntra iya panagdayaw e̍ Apu Diyus, se̍ ya panagtarigagay kadiya banbanag nga napateg ngas ka toley idi nga lubung. Ta dactida itan, naannad se̍ nalinteg tida kuma iya panagbiyag tida idi nga lubung, se̍ sumurut tida kuma pe̍ iya ugali nga gabay ne̍ Apu Diyus.

Titu 3:3

Ta orey dactida itun, madi tida pekkem nga makaawat, ket nasukir tida, se̍ naallilaw tida itun. Arig tida nga natagabu itun, ta nagpaituray tida kadiya nadumaduma nga kita apal diya beggi tida se̍ ragragsac iya biyag idi nga lubung. Yan nas kinadake̍c se̍ panagagum ya uwed iya panagbiyag tida itun. Ginura tida diya duduma, se̍ ginura nactida met pe̍.

Santiyagu 3:15

Ya agten iyan nga kinasirib, bekken nga agtaud e̍ Apu Diyus nga uwed ka langit, no di lugud agtaud das idi nga lubung se̍ iya kinatoley se̍ diya sairu.

Santiyagu 4:16

Ngem ya kinapudnu na, tumangsit kayu met nga mangsiguradu iya panagbiyag nu! Dake̍c ngarud met ya amin nga agten iyan nga panagtangsit.

1 Pe̍dru 1:14

Ket ita, gapu ta anac nakayu nge̍ Apu Diyusin, agtudyu kayu ngarud igina. Ket madi kayu ngarud ipalubusin nga maturayan diya beggi nu kadiya dake̍c nga tarigagay nga tinungtungpal nu ito madi kayu pekkem makaawat itun.

1 Pe̍dru 2:11

Dakayu nga patpatgec, maibilang kayu nga sangsangaili se̍ gan-gannaet ngas met idi nga lubung. Itu nga bilinen nakayu nga sipapasnec, nga bekken kuma nga diya dake̍c nga tarigagay diya beggi nu ya tungtungpalen nu, ta mangkuntra didi kadiya nabaru nga panggep nu.

2 Pe̍dru 2:10

Ket nangnangruna ngarud nga madusa diya toley nga mangtungtungpal kadiya dake̍c nga tarigagay niya kinatoley da nga mangaw-awis igida. Ket itu pe̍ diya toley nga madi mangikaskasu iya kinaturay ne̍ Apu Diyus. Ket dito mangisursuru ka busid, natured se̍ natangsit pe̍, nga madi da met mansing nga agkagi ka dake̍c maipanggep kadiya nailangitan.

2 Pe̍dru 2:18

Tutu met yan, ta napalaus met ya panagbuwakaw dito mangisursuru ka busid. Ngem awan met sirsirbi diya kagkagiyen da. Ket iya agten iyan, awisen da met diya toley nga kapanpanaw iya pannakikabulun da kadiya toley nga agtungpal kadiya busid nga banbanag. Awisen da ngarud diyan nga kapanpanaw nga toley, ta pangpayayat da kadiyan nga toley diya naalas nga tarigagayan niya kinatoley da.