1 Juan 2:14 - Ya Baru nga Tulag

¹⁴ Agsurat tac pe̍ dakayu nga am-ama, gapu ta em-emmu nun ya uwed nga pe̍yeng orey ito panangrugi niya amin. Agsurat tac pe̍ dakayu nga babagu, gapu ta nabileg ya panamati nu e̍ Apu Diyus, se̍ silalagip kayu iya kagi na nga uwed nga pe̍yeng dakayu, ket se̍ gapu ta inabac nun ya managdacdake̍c.

1 Juan 2:14 Iomraidhean Croise

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 5:38

Ket bekken ngarud nga ya kagi na ya laglagipen nu, ta madi kayu patpatiyen ya nibon na.

Juan 8:31

Dikad pe̍ kinunen ngarud ne̍ Je̍sus kadito Hudyu nga namati igina, “Dakayu, no diya kagic ya pe̍yeng nu nga laglagipen, ket tutu kayu ngarud nga pasurut ku.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

E̍pe̍su 6:10

Ket itan, idi ya ibagac dakayu: Pabilgen nu diya panpanunut nu maipanggep iya panamati nu gapu iya pannakaitipun nu iya Apu, se̍ gapu iya bileg nga tumaud iya pannakabalin na.

Pilipus 4:13

Ta awan dumateng iyaken nga madic maitured gapu iya tulung niya mangpabileg iyaken.

Kulusas 1:11

Ket ikarkararag mi pe̍ nga gapu iya nakaskasdaaw nga pannakabalin na, pabpabilgen kuma ne̍ Apu Diyus ya panamati nu igina, gapu iya amin nga bileg nga ipaay na dakayu. Agten iyan kuma tasun makaanus se̍ makaibtur kayu was iya orey nagan na nga mapasamac dakayu.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

2 Timutyu 2:1

Ket ikew, nga ibilang ku nga anac, bumileg ka kuma gapu iya siaayat nga asi nga kuwa tida gapu iya pannakaitipun tida e̍ Kristu Je̍sus.

He̍briyu 8:10

Ket kunen na manin, ‘Agten idi ya baru nga tulag nga bangunec kadiya kapututan nito Israe̍l no madatngan nad ya timpu na: Ipay ku nad diya bilbilin ku iya panpanunut diya toltoley, ket ya lemlemmet da, itu nad ya arig nga pagisuratac kadidi nin. Ket iyaken nad ya Diyus da, ket igida nad met pe̍ diya toley ku.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 1:10

No kunen tida nga madi tida nagbasul, ket arig met nga kunen tida nga agbusid nge̍ Apu Diyusin, ket madi tida pekkem patiyen ya kagi na.

1 Juan 2:13

Dakayu nga am-ama, agsurat tac dakayu gapu ta em-emmu nun nge̍ Kristu, nga igina mettas ya uwed nga pe̍yeng orey ito panangrugi niya amin. Dakayu nga babagu, agsurat tac dakayu gapu ta inabac nun ya diyablu nga managdacdake̍c. Ngarud, agsurat tac dakayu nga ebbing, gapu ta em-emmu nun ya Ama.

2 Juan 1:2

Ay-ayaten dakayu nga tutu maikanatad iya kinapudnu maipanggep e̍ Apu Diyus, ket silalagip tida nga pe̍yeng idi nga kinapudnu ita, se̍ ka agnanayun pe̍.

3 Juan 1:3

Emmuc nga nabaru nga tutu ya nakem mu, ta uwed kakabsat tida nga inumbe̍t idi, ket naragsakan nac nga unay gapu ito nipadamag da iyaken. Ta nibaga da ya napudnu nga panagbiyag mu, nga sumursurut ka kanu iya pudnu nga pammati.

Paltiing 2:3

Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.

Paltiing 2:7

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka kalinteggan da nga mangan ka bisic niya kayu nga pagbiyagan nga uwed iya minuyungan ne̍ Apu Diyus.’”