1 Juan 2:13 - Ya Baru nga Tulag

¹³ Dakayu nga am-ama, agsurat tac dakayu gapu ta em-emmu nun nge̍ Kristu, nga igina mettas ya uwed nga pe̍yeng orey ito panangrugi niya amin. Dakayu nga babagu, agsurat tac dakayu gapu ta inabac nun ya diyablu nga managdacdake̍c. Ngarud, agsurat tac dakayu nga ebbing, gapu ta em-emmu nun ya Ama.

1 Juan 2:13 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 13:19

Agten idi ya banag na: Ya toley nga makagicna iya damag maipanggep iya nadiyusan nga panangituray ngem madi na maawatan ya banag na, ket arig nga umbe̍t ya diyablu nga managdacdake̍c nga rabsuten na ya kagi nga nagicna nito toley. Itu ya maiyarig kadito bukel nga naiwaris iya dalan.

Matyu 13:38

To lapug, itu ya lubung ngi. To nabaru nga eggic, itu diya toley nga agpaituray iya nadiyusan nga panangituray. Ket dito dake̍c nga ruut, itu diya toley nga agpaituray iya diyablu nga managdacdake̍c.

Matyu 5:37

Ngarud, pulus nga awan kuma pagsapata nu, ta ya ibaga nu kuma, basta ‘Bo’ no bo, se̍ ‘Bekken’ no bekken. Ta ya orey nagan na nga maidga kadidi, ket agtaud ngas met iya diyablu nga managdacdake̍c.”

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 14:7

No em-emmu dac kun, em-emmu nu met pe̍ yin ya Amac. Ket itan, em-emmu nu ngarudin ya Amac, ket arig nga nasingen nun,” kunen na.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 16:3

Agten kadiyan ngarud ya wanglen da nad dakayu, ta madi da met em-emmu ya Ama winno iyaken.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

1 Timutyu 5:1

Maipanggep iya panagpatigmaan, ket no ya isa nga lakay, madi ka kuma nga ungtan, no di katbar mu lugud nga arig nga ibilang mu nga amam. Ket no lalaki nga kapatadam ya patigmaanam, ibilang mu da nga kakabsat mu.

Titu 2:6

Ket diya lalaki nga bekken pekkem nga unay nga lakay, ibagam pe̍ igida nga naannad da pe̍ kuma.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:12

Dakayu nga ebbing, agsurat tac dakayu gapu ta napakawanin diya basbasul nu, gapu iya kinaturay ne̍ Kristu.

1 Juan 2:14

Agsurat tac pe̍ dakayu nga am-ama, gapu ta em-emmu nun ya uwed nga pe̍yeng orey ito panangrugi niya amin. Agsurat tac pe̍ dakayu nga babagu, gapu ta nabileg ya panamati nu e̍ Apu Diyus, se̍ silalagip kayu iya kagi na nga uwed nga pe̍yeng dakayu, ket se̍ gapu ta inabac nun ya managdacdake̍c.

1 Juan 3:12

Bekken tida kuma nga agten ito Kain nga kameng niya diyablu nga managdacdake̍c. To Kain, pinatey na met to adi na itun. Ta dito wangwangel nito adi na, ket nalinteg. Ngem dito wangwangel ne̍ Kain nga gennung, dake̍c met. Itu ya gapu na nga pinatey na to adi na.

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 5:18

Emmu tida nga diya nagbalin nga anac ne̍ Apu Diyus, madi da agbasbasulin, ta aywanan met niya Anac ne̍ Apu Diyus da, tasun awan mabalin niya diyablu nga managdacdake̍c igida.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 2:7

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka kalinteggan da nga mangan ka bisic niya kayu nga pagbiyagan nga uwed iya minuyungan ne̍ Apu Diyus.’”