1 Juan 2:12 - Ya Baru nga Tulag

¹² Dakayu nga ebbing, agsurat tac dakayu gapu ta napakawanin diya basbasul nu, gapu iya kinaturay ne̍ Kristu.

1 Juan 2:12 Iomraidhean Croise

Lukas 24:47

Ket kunen na pe̍ iya Bibliya nga masapul nga gapu iya turay ne̍ Kristu, maikasaba ya damag maipanggep iya panagbabawi, se̍ iya pannakapakawan diya basbasul. Ngarud, mona nga maikasaba idi nga He̍rusale̍m, se̍ maiwaras pe̍ kadiya amin nga pagpagiliyan iya lubung.

Lukas 5:20

Ket e̍ Je̍sus, ito nalasin na ya panamati dito lalaki, kinunen na ito lugpi, “Gayyem, napakawan diya basbasul mun,” kunen na.

Aramid 10:43

E̍ Je̍sus met to nipakaemmu dito amin nga mammadtu nga Hudyu itun, ta nipakaemmu da nga gapu iya kinaturay na, mapakawan diya basbasul diya amin nga mamati igina,” kunen ne̍ Pe̍dru kade̍ Kurne̍lyu.

Aramid 13:38

“Dikad pe̍ wawagi, ipakaemmu mi ngarud dakayu nga gapu idi nga Je̍sus, pakawanen ne̍ Apu Diyus diya basbasul tida.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

E̍pe̍su 1:7

Gapu iya pannakaitipun tida e̍ Kristu, nawayawayaan tidan iya pakaukuman tida, gapu ito pannakaidaga na. Ta itu ya pakapakawanan diya basbasul tida, sigun iya napalaus nga asi ne̍ Apu Diyus nga siaayat.

E̍pe̍su 4:32

Ket ya wanglen nu kuma lugud, ket itu ya agkikinnaasi se̍ agpipinnateg kayu, nga agpipinnakawan kayu nga agten mettas ito panangpakawan ne̍ Apu Diyus dakayu gapu iya pannakaitipun nu e̍ Kristu.

Kulusas 1:14

Ket igina met ya pakawayawayaan tida, ta pinakawan na mettin diya basbasul tida.

1 Juan 1:4

Ket didi nga banbanag, isurat mi dakayu tasun awan pagkurangan niya anggem tida.

1 Juan 1:7

Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.

1 Juan 1:9

Ngem no situtulnug tida nga mangipakaemmu kadiya basbasul tida, siguradu tida nga wanglen ne̍ Apu Diyus ya nalinteg, nga pakawanen nactida kadiya basbasul tida, se̍ dalusan nactida ka amin nga kinadake̍c.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:21

Madic met kunen nga madi kayu pekkem emmu ya pudnu maipanggep iya pammati tida, ta emmu nu ngarudin. Ngem isurat ku yani dakayu gapu ta gabay ku was nga ipalagip dakayu, se̍ gapu ta emmu nu met nga awan busid nga tumaud iya kinapudnu.

1 Juan 2:7

Patpatgec nga kakabsat, bekken nga kabarbaru yani nga bilin nga isurat ku dakayu, ta sigud met nga naipakaemmu dakayun, manipud ito damu nito panamati nu. Dikad pe̍ bekken nga sabali yani nga ibagac dakayu, no di ket itu met to naipadamag dakayu itun.