1 Juan 2:1 - Ya Baru nga Tulag

¹ Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 2:1 Iomraidhean Croise

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 14:16

Ket agadeng ngac nad iya Ama, ket paibon ku igina ya sumukat nga Mamagbaga dakayu, tasun uwed dakayu nga agnanayunin.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 21:5

Ket kinunen ngarud ne̍ Je̍sus igida, “Kabulun, uwed naalac nu?” kunen na. Ket kinunen da, “Awan met pulus.”

Juan 5:14

Ket iya di nabayag, naaskuran ne̍ Je̍sus to lalaki enna Te̍mplu. Ket kinunen na ito lalaki, “Singem ket nalaingan kan! Ala! Isardeng mu ya panagbasbasul mu, tasun awan kuma dacdake̍c nga mapasamac nad ikew,” kunen na.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 8:11

Ket kinunen nito babey, “Awan met, Apu,” kunen na. Ket kinunen ne̍ Je̍sus igina, “Orey iyaken, madi naka pe̍ ukumen. Agawir ka ngarudin, ket ipac mu ya panagbasbasul mun,” kunen na.]

Aramid 7:52

Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey.

Ruma 5:10

Ta gapu ito pannakatey niya Anac ne̍ Apu Diyus, naitunus tida e̍ Apu Diyusin, orey naikuntra tida pekkem igina itun. Ket itan, gapu ta naitunus tida iginan, di ngarud nasigsiguradu ya panagnamnama tidan iya pannakaisalakan tida, gapu iya biyag ne̍ Je̍su Kristu ita?

Ruma 6:15

Ngem pagarupen nu ngata nga kustu orey no itultuluy tida latta ya agbasul, gapu ta bekken tida nga paiturayan ka linlinteg gin, no di lugud ngas iya siaayat nga asi ne̍ Apu Diyusin. Ngem bekken met nga agten iyan!

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.

1 Kurintu 15:34

Ket babawiyen nu lugudin diya bekken nga kustu nga panpanunut nu, tasun agpaay kayu kadiya nalinteg gin, se̍ ipac nun ya panagbasbasul nu. Ta uwed da met dakayu diya di pekkem makaawat maipanggep e̍ Apu Diyus, ket pakaiyal-alyewwan nu met yan.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

Galasiya 4:19

Dakayu nga arig nga an-anac kun, masakitan ya nakem kun gapu dakayu, nga maiyarig iya pannakapasakit niya isa nga babey nga agpakiskis nga aganac. Ket agten iyan ngarud ya panagrigat ku gapu dakayu, agingga nga ya gangey ne̍ Kristu kuma ngin ya mangituray nga pe̍yeng dakayu.

E̍pe̍su 2:18

Ta gapu e̍ Kristu, mabalin tida nga amin ya umadenni yin e̍ Apu Diyus nga Ama, Hudyu man winno bekken nga Hudyu, gapu mettas iya is-isa nga Ispiritu.

E̍pe̍su 4:26

Ket no uwed unget nu, agteppel kayu ngarudin, tasun madi kuma agbanag ka basul ya unget nu. Madi kuma magidaman ya unget nu, no di lugud nalaka ngas nga agbaaw.

1 Timutyu 2:5

Ta uwed das is-isa nga Diyus, ket is-isa met pe̍ ya mangiyadenni e̍ Apu Diyus se̍ iya toley, nga itu nge̍ Kristu Je̍sus nga nagpaitoley.

1 Timutyu 3:14

Gabay ku no makalbe̍t tac kuma iya edyan mu iya di mabayag. Ngem isurat ku yani ikew,

He̍briyu 9:24

Diya namaymayat ngarud ya masapulin, ta e̍ Kristu, bekken nga ya nasantuwan nga pagdaydayawan nga inariman toley to imuneggan na. Ta to nona nga pagdaydayawan, ket ladawan ngas niya kustu nga pagdaydayawan nga uwed ka langit. Ngem e̍ Kristu, imuneg ngarud iya pagdaydayawan ka langit iya imatang mettas ne̍ Apu Diyus. Ket ita, uwed met antuni nin nga mangibegbeggi nga maipaay dactida.

Santiyagu 1:27

Ngem no madi kayu makibiyang kadiya dake̍c nga ugali iya lubung ngi, se̍ no tulungan nu diya kackaasi nga ulila se̍ diya balu, ket e̍ Apu Diyus nga Ama tida, ibilang na nga napudnu se̍ awan mansa na ya panagdaydayaw nu.

Santiyagu 3:9

Ya dila tida, itu ya pagdayaw tida e̍ Apu Diyus nga Apu se̍ Ama tida. Ket itu met pe̍ ya mangibalikas ka dake̍c maipanggep kadiya pada tida nga toley nga pinarsuwa mettas ne̍ Apu Diyus nga kalanglanga na.

1 Pe̍dru 2:22

Ket igina, awan winangel na nga basul, se̍ awan pe̍ nagicna igina nga nasikap nga kagi.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.

1 Juan 3:18

Patpatgec nga an-anac, ya panagayat tida, ket bekken kuma ngas nga kagi tida winno kasaba tida ya patingga na, no di lugud ipasingen tida ya panagayat tida gapu kadiya wangwanglen tida, tasun pudnu kuma ya panagayat tida.

1 Juan 3:5

Ngem emmu nu nga awan basul ne̍ Je̍su Kristu. Ket to numbe̍tan na ito nagparang itun, ket tasun mangipac ka basul.

1 Juan 3:7

Patpatgec nga an-anac, madi kayu kuma nga maiyaw-awan iya kunen diya toley. Ta ya kinapudnu na, ya toley nga agar-ariman kadiya nalinteg, ket nalinteg met, nga agten mettas e̍ Kristu nga nalinteg.

1 Juan 4:4

Patpatgec nga an-anac, kamkameng nakayu ngarud nge̍ Apu Diyusin, ket inabac nu mettin dito uwed panpanunut da nga maikuntra e̍ Kristu. Ta uwed met dakayu nge̍ Apu Diyus, ket nangatngatu ngarud met ya uwed dakayu ngem iya uwed kadiya mangituray idi nga lubung.

1 Juan 5:17

Tutu met nga basul ya amin nga dake̍c nga wanglen niya toley, ngem uwed met pe̍ panagbasul nga madi agbanag ka patey.

1 Juan 5:21

Dakayu nga patpatgec nga an-anac, madi kayu kuma ngarud makibiyang kadiya didiyusen.

3 Juan 1:4

Naragsakan nac ngarud gapu ikew, ta aganggem mac nga unay no madamag ku nga uwed da anac ku ka pammati nga sumursurut iya pudnu nga pammati. Itu ya kadackellan nga makapaanggem iyaken.