1 Juan 1:7 - Ya Baru nga Tulag

⁷ Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.

1 Juan 1:7 Iomraidhean Croise

Matyu 6:12

Se̍ pakawanen nakami kuma kadiya basbasul mi, nga agten met iya panangpakawan mi kadiya nakabasul dakami.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 12:35

Ket simungbat nge̍ Je̍sus nga kinunen na igida, “Iya di mabayag, awanin ya mangwada dakayu. Itu nga gawaan nu kuma ngarudin ya sumurut, ta uwed pekkem ita ya mangwada dakayu. Ngarud, gawaan nu, tasun madi nakayu makamakam ya gicbet. Ta ya manalan iya nagicbet, di na met mailasin ya pennan na.

Juan 5:4

Ta pasaray kanu sumegged ya isa nga anghe̍l niya Apu ito pagdigusan, ket arinewnewwan na ya danum. Ket ya mona nga pumisuc iya danum kalpasan niya pannakaarinewnew na, malaingan kanu met ya orey nagan na nga dipe̍re̍nsiya na.]

Ruma 13:12

Ket no ya ita nga timpu, maiyarig iya itatalib niya gabi, no umagsapa ngin. Dikad pe̍ ipac tida kuma ngarudin dito dake̍c nga winangwangel tida ito timpu nga arig nga nagicbet. Ta arig nga algew ya agdama nga timpu wi. Ket diya nabaru kuma ngin ya ipasingen tida itan, ta diya nabaru nga banbanag, arig da nga armas nga tumutup nga mausar iya algew.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

E̍pe̍su 1:7

Gapu iya pannakaitipun tida e̍ Kristu, nawayawayaan tidan iya pakaukuman tida, gapu ito pannakaidaga na. Ta itu ya pakapakawanan diya basbasul tida, sigun iya napalaus nga asi ne̍ Apu Diyus nga siaayat.

E̍pe̍su 5:8

Ta itun, tutu met nga nagicbet pe̍ ya panpanunut nu nga agten met pe̍ igida. Ngem itan, uwed dakayun ya nawada nga panpanunut, gapu iya pannakaitipun nu iya Apu. Itu nga agtungpal kayu kuma ngarudin kadiya tumutup nga ugali niya isa nga anac niya wada.

1 Timutyu 6:16

Igina ngas ya awan pannakatey na. Ket igina, aged-edyan met ka wada nga madi maadenniyan niya toley. Pulus nga awan pekkem toley nga nakasingen igina, ket awan pe̍ makasingen igina ita, ta awan makabael. Igina kuma ya madaydayaw nga mannakabalin ka agnanayun. Agten iyan kuma.

Titu 2:14

Igina met ya nangipalubus nga naidatun ya biyag na para dactida, tasun subbuten nactida iya turay diya amin nga kita niya kinadake̍c, se̍ tasun pagbalinen nactida nga kuwa na nga toley nga awanan basul, se̍ napasnec iya panagwangel ka nabaru.

He̍briyu 9:14

Ket no agten iyan to pakadalusan da itun nga timpu, di ngarud nabilbileg pekkem ya pannakabalin niya daga ne̍ Kristu? Ta gapu iya panangiturung niya agnanayun nga Ispiritu, niyawat ne̍ Kristu e̍ Apu Diyus ya beggi na nga datun nga awan pagkurangan na. Ket gapu iya daga na, nadalusan diya lemlemmet tidan iya pakarigatan tida gapu ito panagtungpal tida kadito tungtungpalen nga awan mamaay da. Ket ita, siwayawaya tidan nga agsirbi iya sibibiyag nga Diyus.

Santiyagu 1:17

Ta no e̍ Apu Diyus, igina met ya paggayatan diya amin nga nabaru nga awan dake̍c na. E̍ Apu Diyus met ya namarsuwa kadiya mangwada iya abac lawa. Ngem igina, bekken nga agten kadiyan, ta awan pulus panagbaliw na, se̍ madi agbalin nga mange̍cde̍ ka gicbet.

1 Pe̍dru 1:19

no di lugud ya napateg nga daga ne̍ Kristu nga naiyayus. Ket yan nga daga, arig nga daga niya isa nga naidatun nga urbun karne̍ru. Ket idi nga arig nga urbun karne̍ru, awan pulus pagkurangan winno pakapilawan na.

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 1:5

Ket ipakaemmu mi dakayu dito nagicna mi nga nisursuru ne̍ Je̍su Kristu. Ket agten idi: E̍ Apu Diyus, maawagan ka Wada, ket awan pulus gicbet igina.

1 Juan 5:6

Ket e̍ Je̍su Kristu, igina met ya uwed duwa nga pammanecnec nga nipasingen na ito inumbe̍t itun. Ket danum se̍ daga dito pammanecnec na. Bekken nas nga danum ya pammanecnec ne̍ Je̍sus, no di pe̍ daga. Ket ya Ispiritu Santu met pe̍ ya mangipanecnec iya pudnu maipanggep igina, ta agpudnu was met ya Ispiritu Santu.

1 Juan 5:8

Uwed ya Ispiritu Santu, ya danum, se̍ ya daga. Ket agpapada met ya ipanecnec didi nga tellu nga pammanecnec.

2 Juan 1:4

Naragsakan nac nga unay, ta naemmuwac nga uwed da anac mu nga sumursurut iya pudnu nga pammati, sigun ito nibilin niya Ama dactida.

3 Juan 1:4

Naragsakan nac ngarud gapu ikew, ta aganggem mac nga unay no madamag ku nga uwed da anac ku ka pammati nga sumursurut iya pudnu nga pammati. Itu ya kadackellan nga makapaanggem iyaken.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.