1 Juan 1:3 - Ya Baru nga Tulag

³ Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 1:3 Iomraidhean Croise

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 19:35

Ket ya toley nga nakasingen kadiyan nga napasamac, igina mettas ya mangipakaemmu kadiyan dakayu ita. Ket pudnu ngarud ya ipacpakaemmu na, ta yan nas kinapudnu ya ibagbaga na maipanggep kadiyan, tasun mamati kayu kuma met pe̍.

Aramid 13:32

Ket itu pe̍ ya kauwed mi idi nga mangikasaba dakayu iya Makaparagsac nga Damag maipanggep ito nikari ne̍ Apu Diyus kadito am-ama tida.

Aramid 13:41

‘Agannad kayu, dakayu nga mangam-amis iya pudnu. Masdaawan kayu nad se̍ matey kayu pe̍, ta uwed nad masingen nu nga wanglec iya timpu niya panagbiyag nu pekkem, ngem di kayu patpatiyen, orey no uwed mangilawlawag dakayu,’ kunen da.” Ket amin diyan dito nilawlawag ne̍ Pablu kadito iAntiyakiya.

Aramid 2:42

Nagaget da pe̍ nga nagpacpaisuru kadito apustule̍s. Ket pe̍yeng da nga nagtitipun, se̍ nagsasangu nga mangan se̍ agkararag.

Aramid 20:27

Ta nagtured dac nga nangibaga dakayu iya amin nga panggep ne̍ Apu Diyus.

Aramid 4:20

Ta no dakami, madi met mabalin no madi kami ibaga dito nagicna mi se̍ nasingen mi,” kunen da.

Ruma 15:27

Igida mettas ya akin-nakem nga tumulung kadiya Hudyu ka He̍rusale̍m. Ket ya kinapudnu na, uwed ngarud arig nga utang da kadiya mamati nga Hudyu. Ta diya bekken nga Hudyu, nairaman dan kadiya nabaru nga banbanag nga nipaay ne̍ Apu Diyus kadiya Hudyu. Itu nga rebbeng ngarud met diya bekken nga Hudyu ya tumulung kadiya Hudyu kadiya kasapulan niya panagbiyag da.

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

1 Kurintu 1:9

Tutu met nga mapagtalkan nge̍ Apu Diyus nga mangtungpal kadiyan, ket igina met ya nangpili dakayu nga maibulun iya Anac na, nga itu nge̍ Je̍su Kristu nga Apu tida.

1 Kurintu 15:1

Ket ita, kakabsat, gabay ku nga ipalagip dakayu to inawat nu nga nisuruc dakayu, nga itu ya Makaparagsac nga Damag maipanggep e̍ Je̍su Kristu. Ket idi nga Makaparagsac nga Damag, itu pe̍ ya nakabangunan niya pammati nu,

2 Kurintu 13:14

Uwed kuma dakayu nga amin ya siaayat nga asi ne̍ Apu Je̍su Kristu, se̍ ya ayat ne̍ Apu Diyus, se̍ ya pannakibulun niya Ispiritu Santu.

E̍pe̍su 3:6

Ket ya panggep na nga nipakaemmu nan, ket agten idi: Gapu iya Makaparagsac nga Damag, uwed dakayu nga bekken nga Hudyu ya gundawayin nga makipagtawid kadiya ipatawid ne̍ Apu Diyus kadiya Hudyu. Naibilang kayu pe̍ yin nga kamkameng niyan nga is-isa nga bungguy, se̍ nairaman kayu pe̍ yin iya pagbanagan nito nikari ne̍ Apu Diyus kadiya Hudyu. Kuwa nu ngarud pe̍ diyanin gapu iya pannakaitipun nu e̍ Kristu Je̍sus.

Pilipus 1:7

Ket rumbeng met ya agten iyan nga panangnamnamac maipanggep dakayu nga amin, ta patpatgen nakayu. Rumbeng ngarud gapu ta makikanunung kayu nga amin iya siaayat nga panangtulung ne̍ Apu Diyus iyaken, orey idi nga pannakaibalud ku, se̍ orey iya panangipanecnec se̍ panangikasabac iya kinapudnu niya Makaparagsac nga Damag.

Pilipus 2:1

Ket tutu met nga gapu iya pannakaitipun nu e̍ Kristu, mapabileg ya panpanunut nu. Ket gapu iya ayat na, maliwliwa kayu. Uwed pe̍ pannakibulun nu iya Ispiritu Santu, se̍ uwed met pe̍ panagpipinnateg se̍ panagkikinnaasi nu.

Pilipus 3:10

Ket ya ipatpateg ku ngarud ita, ket itu ya pannakaem-emmuc e̍ Kristu, se̍ ipatpateg ku pe̍ ya panaglak-am ku iya pannakabalin nga naipasingen ito panagungar na. Ket se̍ ipatpateg ku pe̍ ya panaglak-am ku ka panagrigrigat nga arig mettas kadito panagrigrigat ne̍ Kristu itun, tasun pumarparis sac kuma iginan ito pannakatey na.

Kulusas 1:13

Ta nisalakan nactida nge̍ Apu Diyus iya nagicbet nga turay niya dake̍c, ket niyalis nactidan nga niraman kadiya iturayan niya patpatgen na nga Anac.

1 Te̍salunika 1:10

Ket padpadaanan nu kanu nga sinanama ya umbe̍t niya Anac na nga gayat ka langit. Itu yani nge̍ Je̍sus nga pinagungar ne̍ Apu Diyus se̍ mangisalakan nad dactida iya unget ne̍ Apu Diyus.

1 Timutyu 6:2

Ket diya tagabu nga mamati pe̍ ya amu na, madi da kuma kessayan ya panagdayaw da kadiya amu da gapu iya panagkabsat dan ka pammati, no di lugud napaspasnec da kuma pekkem iya panagsirbi da. Ta diya agten iyan nga pagsirbiyan da nga amu, mamati da ngarud met pe̍, ket napateg da nga kakabsat. Diyan nga nipakaemmuc ikew, ipakaemmum kuma pe̍ kadiya mamati ennan nga masapul nga suruten da.

He̍briyu 2:12

Ta kinunen na ngarud e̍ Apu Diyus itun nga, “Ipakaemmuc nad ya maipanggep ikew kadiya kakabsat ku. Ikantac nad pe̍ ya panagdayaw ku ikew, iya imatang diya maurnung nga toley.”

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

2 Pe̍dru 1:16

Bekken met nga sarsarita nga pinataud ngas niya nasirib nga toley to nisuru mi dakayu, ito nipakaemmu mi dakayu ya pannakabalin niya Apu tida nga Je̍su Kristu se̍ ya umbe̍t na nad manin. Bekken ngarud nga agten iyan, ta dakami mettas ya mismu nga nakasingen iya dackel nga kinaturay na.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 1:5

Ket ipakaemmu mi dakayu dito nagicna mi nga nisursuru ne̍ Je̍su Kristu. Ket agten idi: E̍ Apu Diyus, maawagan ka Wada, ket awan pulus gicbet igina.

1 Juan 1:7

Ngem no sumurut tida nga gennung iya wada, nga agten iya panagedyan ne̍ Apu Diyus iya wada, ket uwed ngarud pannakibulun tida iya tunggal isa dactida, se̍ nadalusan tidan kadiya tunggal isa nga basul tida gapu ito pannakaidaga ne̍ Je̍sus nga Anac na.