1 Juan 1:2 - Ya Baru nga Tulag

² Dakami ya mangipadamag maipanggep iya biyag na, ta nasingen mi met ito nagparang dakami. Itu nga ipakaemmu mi dakayu yani nga biyag, ta naiparang dakami itun. Ket itu yan ya agnanayun nga biyag nga pe̍yeng nga uwed iya Ama orey itun pekkem.

1 Juan 1:2 Iomraidhean Croise

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:4

Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Juan 10:28

Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 15:27

Ket dakayu met pe̍ diya mangipakaemmu iya kinapudnu maipanggep iyaken, ta dakayu met diya nibulubulun iyaken manipud ito damu.”

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 19:35

Ket ya toley nga nakasingen kadiyan nga napasamac, igina mettas ya mangipakaemmu kadiyan dakayu ita. Ket pudnu ngarud ya ipacpakaemmu na, ta yan nas kinapudnu ya ibagbaga na maipanggep kadiyan, tasun mamati kayu kuma met pe̍.

Juan 21:14

Itu yan ya maikatlu nga panagpasingen ne̍ Je̍sus kadito adalan na kalpasan nito pannakapagungar na.

Juan 3:13

Ket awan pekkem imune̍c ka langit malacsid iya imulug nga gayat ka langit, ket itu mettas ya Anac nga Naipatoley.

Juan 7:29

Ngem iyaken, em-emmuc ngarud, ta igina met ya naggayatac, se̍ igina ya nangibon iyaken,” kunen na.

Juan 8:38

Ket no iyaken, isuruc ngas maipanggep kadiya nasingec iya edyan niya Amac. Ket dakayu, wanglen nu pe̍ diya nipakaemmu mettas niya ama nu dakayu,” kunen na.

Aramid 1:22

nanipud ito panangaskasaba nito Juan nga Mammautisar, patingga ito pannakaipangudu ne̍ Apu Je̍sus ka langit ito naipanaw dactida. Itu nga sapulen tida kuma ngarudin ya agten iyan nga toley, tasun uwed makitipun dakami nga mangipanecnec iya panagungar ne̍ Je̍sus,” kunen na.

Aramid 10:41

Nakisangu kami ngarud pe̍ igina nga nangan kalpasan nito panagungar na. Ngem bekken nga amin nga toley ya nakasingen e̍ Je̍sus itun, ta dito nakasingen igina, dakami ngas nga pinili ne̍ Apu Diyus nga mangipakaemmu iya pudnu maipanggep igina.

Aramid 2:32

Maipanggep ngarud e̍ Je̍sus mettas dito kinagi nito Ari Dabid itun. Ket amin mi, masacsiyan mi nga pinagungar ngarud ne̍ Apu Diyus nge̍ Je̍sus.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

Aramid 5:32

Ket dakami diya mangibagbaga iya pudnu maipanggep kadidi nga banbanag. Se̍ bekken nas nga dakami ya mangibagbaga, no di lugud pe̍ ya Ispiritu Santu nga nipaay ne̍ Apu Diyus dakamin nga sumurut igina.” Itu yan to nisungbat de̍ Pe̍dru ito kangatuwan nga agsirsirbi iya Te̍mplu.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

2 Timutyu 1:10

Ket gapu ito numbe̍tan ne̍ Kristu Je̍sus nga Mangisalakan dactida, nalawagin to panggep ne̍ Apu Diyus nga nangaasi dactida. Ta e̍ Kristu Je̍sus, inabac na met to pannakabalin niya patey. Ket gapu iya banag niya Makaparagsac nga Damag, nipalawag na dactidan maipanggep iya biyag nga awan pagpatinggaan na.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

1 Juan 3:5

Ngem emmu nu nga awan basul ne̍ Je̍su Kristu. Ket to numbe̍tan na ito nagparang itun, ket tasun mangipac ka basul.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.

1 Juan 4:14

Ket no dakami, nasingen mi met itun ya Anac ne̍ Apu Diyus, ket ipadamag mi met nga igina ya nibon niya Ama idi nga lubung tasun isalakan na diya toltoley.

1 Juan 4:2

Agten idi ya pakaemmuwan nu no tutu nga ya Ispiritu ne̍ Apu Diyus ya mangidalan iya isa nga toley: No kunen na nga siaannamung nga e̍ Je̍su Kristu ya naipatoley nga nibon ne̍ Apu Diyus, ket maemmuwan nun nga gayat e̍ Apu Diyus ya panpanunut na.

1 Juan 5:11

Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.

1 Juan 5:13

Isurat ku didi nga banag dakayu nga mamati iya kinaturay niya Anac ne̍ Apu Diyus, tasun maemmuwan nu nga uwed dakayun ya biyag nga agnanayun.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.