Ok Ngaihgiz 7:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Hoeng, gou caemh ij hawj goengjvuengz simgyeng caemh akeuq; mboujguenj gou loengh baenx geijlai geizmiuj dih saeh, de vanzlij dwg mbouj dingq gij vah mwngz.

Ok Ngaihgiz 7:3 Iomraidhean Croise

Ok Ngaihgiz 11:10

Couh vih yienghneix, Mohsih caeuq Yaqlwnz youq dangqnaj goengjvuengz loengh baenx haujlai haujlai geizmiuj dih saeh, hoeng, Yehhozvaz vanzlij hawj aen sim goengjvuengz engqgya gyeng engqgya akeuq, mbouj coengq gij vunz Hijswzlez okma.

Ok Ngaihgiz 11:9

Gajlaeng, Yehhozvaz doiq Mohsih naeuz: “Goengjvuengz gaengjdingq mbouj dingq gij vah faenhsou, yiengq gou couh ndaej youq Ngaihgiz ndaej loengh gij geizmiuj he engqgya lai.”

Ok Ngaihgiz 14:4

Gou ij hawj aen sim goengjvuengz gyeng hwnjdaeuj caiq akeuq hwj caeuq gyoengq bing de ok daeuj boenq faenhsou. Daengz mwhmwnq, gou couh ndaej youq laeng de caeuq gyoengq bing de mwnq yienh ok gij ak gou, ndaej hawj gou najrongh. Yiengq gij vunz Ngaihgiz couh rox gou dwg Yehhozvaz.” Yiengq, gij vunz Hijswzlez caemh ciuq de soj raengq hih yienghmwnq bae guh lo.

Ok Ngaihgiz 3:20

Gou ij yungh gij gienz ak gou ma guh gak cungj geizmiuj daeuj fad gyoengq vunz Ngaihgiz, yiengq goengjvuengz Ngaihgiz gajlaeng vanzlij dwg coengq faenhsou hih.

Ok Ngaihgiz 4:21

Yehhozvaz caiq doiq Mohsih naeuz: “Mwngz maj daengz Ngaihgiz le, itdingh ij youq dangqnaj goengjvuengz loengh gou soengq hawj mwngz hih bonjsaeh, guh sojmiz hih ndaek cungj geizmiuj mwnq. Hoeng, gou caemh ij hawj aen sim de bienq gyeng luj diet bae caiq akeuq dangqmaz hwj, mbouj coengq gij vunz Hijswzlez okma.

Ok Ngaihgiz 4:29

Gangj liux le, Mohsih caeuq Yaqlwnz couh bae Ngaihgiz, couh heuh gyoengq vunz Hijswzlez gangj vah couh baenz he daeuj doxcomz.

Ok Ngaihgiz 4:7

De caiq naeuz: “Mwngz caiq dawz gij fawz mwngz oet haeuj laj vengqbuh bae.” Mohsih youhcaiq oet gij fawz de haeuj laj vengqbuh bae, caiq iet gij fawz de okma. Gij fawz de gaenq ndei ndupndup luj gaxgonq de boiz, caeuq gij naengnoh seiqhenz de ityiengh ndei ndwtndwt.

Ok Ngaihgiz 7:13

Gannaeuz ngaiz yienghneix lah, hoeng aen sim goengjvuengz vanzlij gyeng caiq akeuq dangqmaz, caemh luj Yehhozvaz gaxgonq naeuz goq dih yienghmwnq, mbouj gaengj dingq gij vah Mohsih caeuq Yaqlwnz.

Ok Ngaihgiz 9:16

Hoeng, gou mij hawj mwngz rai, vih ij hawj mwngz rox gou ak dangqmaz, caemh sawj gij coh gou riengzmingz baenx cenz lajmbwn.

Yozhanq Saw 4:48

Yehsuh dingq le, doiq boux de naeuz: “Hauhnaeuz faenhsou mbouj raen gij geizmiuj hih saeh hwj ndaej cingqmingz gou dwg byawz nex, faenhsou cungj mbouj sinq.”

Geiq Dwzbaijyienz 2:22

Bijdwz gangj daengz dineix le, de caiq naeuz: “Gak boux Hijswzlez vunz hax, cingj faenhsou dingq gou naeuz! Cangqdiq, vih ij cingqmingz Mbanj Nazsajlwz vunz dih Yehsuh, couh hawj de youq faenhsou mwnqneix guh doenghgij geizmiuj hih saeh he hwj ndaej cingqmingz Cangqdiq dih gienzveih gaenq fazveih he lo; doenghgij neix faenhsou caemh gaenq rox hih lo.

Geiq Dwzbaijyienz 7:36

De daiq gij vunz daj Ngaihgiz okma; de youq Ngaihgiz, youq Hungz Haij, youq rogndoi dih seiqcib bi ndaw de guh baenx haujlai geizmiuj dih saeh hwj ndaej cingqmingz Cangqdiq dih gienzveih gaenq ndaej fazveih he.

Lozmaj Saw 15:19

hawj gou ndaej daj Yehluqsajlaengj itcig daengz Hijliqguj, dauqcawq bae cenzgangj gvanhhih Yehsuh Gihduz dih ndei siuhsiz.

Lozmaj Saw 9:18

Fanjcingq, Cangqdiq ij cojgvaq byawz, couh cojgvaq byawz; ij hawj byawz nga'ngangq, couh hawj byawz nga'ngangq.