Ok Ngaihgiz 3:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Seizneix gou baij mwngz bae laeng goengjvuengz Ngaihgiz mwnq bae, dawz gij vunz gou, couh dwg Hijswzlez vunz, dajlwh Ngaihgiz daiq okma.”

Ok Ngaihgiz 3:10 Iomraidhean Croise

Lizsij dih Gaihcij 15:13

Couh youq mwhneix, Yehhozvaz couh doiq Yaqbwzlanz naeuz: “Mwngz ijaeu rox, doengh daih gajlaeng mwngz ij ngaiz doz youq vaihdieg youq, caemh ij ngaiz guh hoiq gij vunz dieg mwnq, caemh ngaiz gij vunz dieg mwnq yawj mbouj hwnj, souh haemz souh hoj baenx seiqbak bi.

Lizsij dih Gaihcij 15:14

Hoeng, gou gaengjdingq ij fad, fad gij vunz dieg mwnq hawj gyoengqde guh hoiq hih; doengh daih gajlaeng mwngz gaengjdingq ndaej daiq baenx haujlai haujlai cienzcaiz daj mwnq okma.

Ok Ngaihgiz 12:40

Gij vunz Hijswzlez youq Ngaihgiz youq baenx seiqbak samcib bi.

Ok Ngaihgiz 12:41

Ngamqngamq muenx seiqbak samcib bi dih ngoenz mwnq, Yehhozvaz daiq sojmiz hih Hijswzlez minzcuz daj Ngaihgiz okma.

Ok Ngaihgiz 33:12

Yiengq miz mbat he, Mohsih doiq Yehhozvaz naeuz: “Mwngz raengq gou naeuz: ‘Daiq gyoengq vunz bae,’ hoeng, mwngz mij hawj gou rox byawz caeuq gou bae hah. Mwngz caenhgag naeuz: ‘Gou rox mwngz caemh ndiep mwngz,’ gawq neix lax,

Ok Ngaihgiz 33:13

yiengq, hauhnaeuz seizneix mwngz cingqcaen ndiep gou nex, gouz mwngz naeuz gou ni mwngz dih cawjeiq, gou cij ndaej rox ij baenzlaw ciuq gij cawjeiq mwngz bae guh hab'eiq habhoz mwngz hah. Caemh gouz mwngz ndaejgeiq gyoengq vunz neix; gyoengqde cungj dwg gij vunz mwngz.”

Ok Ngaihgiz 6:26

Yaqlwnz caeuq Mohsih song boux neix couh dwg Yehhozvaz mingqlingq song boux de goq, naeuz: “Bae daiq gyoengq Hijswzlez minzcuz dih gak aen cuz, baenx buek baenx buek daiq ok Ngaihgiz ma!” dih song boux mwnq lo.

Geiq Dwzbaijyienz 7:34

Gou gaenq yawjraen gij vunz gou youq Ngaihgiz soj souh daengz hih haemzhoj lo, caemh gaenq dingqri gyoengqde gangznaek daejdanq lo. Gou roengz daeuj dwg ij gouq gyoengqde; mwngz nej, dwg gou ij baij mwngz bae Ngaihgiz hih lah.’”

Geiq Dwzbaijyienz 7:36

De daiq gij vunz daj Ngaihgiz okma; de youq Ngaihgiz, youq Hungz Haij, youq rogndoi dih seiqcib bi ndaw de guh baenx haujlai geizmiuj dih saeh hwj ndaej cingqmingz Cangqdiq dih gienzveih gaenq ndaej fazveih he.

Geiq Dwzbaijyienz 7:6

“Hoeng, Cangqdiq vanzlij dwg doiq de naeuz: ‘Doengh daih gajlaeng mwngz ij ngaiz doz youq vaihdieg youq, caemh ij ngaiz guh hoiq gij vunz dieg mwnq, caemh ij ngaiz gij vunz dieg mwnq yawjngawz, caiq ngaiz souh haemz souh hoj baenx seiqbak bi.’

Geiq Dwzbaijyienz 7:7

Cangqdiq vanzlij caiq doiq de naeuz: ‘Hoeng, gij vunz dieg mwnq hawj gyoengqde guh hoiq hih, gou gaengjdingq ij fad gyoengqde. Gajlaeng doengh daih gajlaeng mwngz ij daj mwnq dieg mwnq ok ma, youq dieg neix baiq gou.’