Ok Ngaihgiz 13:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Yehhozvaz doiq Mohsih yienghneix naeuz le, Mohsih couh doiq gij vunz Hijswzlez naeuz: “Faenhsou ijaeu ndaejgeiq ngoenz neix; ngoenz neix dwg Yehhozvaz yungh gij akak rengzrengz de dajlaeng Ngaihgiz daiq faenhsou okma, dwg hawj faenhsou ndaej duet ok guh hoiq dih ngoenz neix. Ngoenz neix faenhsou mbouj ndaej gw gij fat goq dih bingj.

Ok Ngaihgiz 13:3 Iomraidhean Croise

Lizsij dih Gaihcij 15:16

Doenghgij lwglwg lanlan mwngz, daengz daixseiq daih, couh dwg naeuz goq seiqbak bi le, cij ndaej dauq ma daengz dieg neix, aenvih daengz mwhmwnq, dieg neix dih Yaqmohliq vunz, gyoengqde guh hih doenghgij doegdoeg siebsieb he cij muenxbouh, gou cij fad gyoengqde.”

Ok Ngaihgiz 12:15

Yehhozvaz vanzlij caiq naeuz: “Youq ndaw caet ngoenz neix, faenhsou mbouj ndaej gw gij fat goq dih bingj. Ngoenz daixdaeuz, faenhsou dawz ndaw ranz sojmiz dih yauqmuj gveng deuz liux bae. Youq ndaw caet ngoenz ndaw de, hauhnaeuz miz vunz gw gij bingj fat goq he, couh ij ngaiz daj ndaw minzcuz Hijswzlez boenq okbae, mbouj suenq aen minzcuz Hijswzlez dih vunz.

Ok Ngaihgiz 12:17

“Faenhsou ij souj aen ciet Cawz Yauqmuj neix; aenvih gou dwg youq aen ciet neix hih ngoenz daixdaeuz he daiq gyoengq vunz Hijswzlez ok Ngaihgiz ma, sojhij faenhsou ijaeu souj ngoenz neix, dingh ngoenz neix ma guh seiqseiq daihdaih yungjyenj dih gveihdingq.

Ok Ngaihgiz 12:19

Youq caet ngoenz ndaw de, gak vunz ndaw ranz bonjfaenh mboujcwnj miz yauqmuj; famz youq ndaw caet ngoenz neix gw fat goq dih doxgaiq, mboujlwnh bouxlawz, lingh aen minzcuz dih vunz cix ndaej, aen minzcuz bonjfaenh cix ndaej, cungj ij ngaiz daj mwnq dieg Hijswzlez vunz boenq okbae.

Ok Ngaihgiz 12:2

“Ij aeu ndwen neix ma guh binaengz dih daixit ndwen.

Ok Ngaihgiz 12:41

Ngamqngamq muenx seiqbak samcib bi dih ngoenz mwnq, Yehhozvaz daiq sojmiz hih Hijswzlez minzcuz daj Ngaihgiz okma.

Ok Ngaihgiz 12:42

Youq ngwnz mwnq, cungj dwg Yehhozvaz hen gyoengqde baenxngwnz, dwg de dajlwh Ngaihgiz daiq gyoengqde okma dih ngwnz, sojhij gij vunz Hijswzlez seiqseiq daihdaih cungj ij geiqniemh ngwnz neix.

Ok Ngaihgiz 12:8

Ngwnz mwnq gyoengqde ij aeu feiz ma hangq yiengzlwg gw, caemh caeuq mij fat goq hih bingj hah, byaek haemz hah, doxcaeuq gw.

Ok Ngaihgiz 13:14

“Baezneix, doengh daeglwg mwngz cam mwngz naeuz: ‘Gij neix dwg gijmaz iqswh?’ yiengq mwngz couh naeuz: ‘Yehhozvaz yungh gij akak rengzrengz de dajlaeng gyoengqraeuz youq Ngaihgiz guh hoiq hih mwnq daiq gyoengqraeuz okma.

Ok Ngaihgiz 13:9

Souj aen ciet neix couh dwg ij daezsingj faenhsou, caemh lujnaeuz youq gwnz fawz faenhsou geiq miz gijmaz geiqhauh hwj, caeuq youq najbyak faenhsou geiq miz gijmaz geiqhauh hwj, sawj faenhsou siengzseiz dawz gij fazliz Yehhozvaz dauh youq ndaw bak, aenvih Yehhozvaz yungh gij akak rengzrengz de daj Ngaihgiz gouq faenhsou okma.

Ok Ngaihgiz 20:2

“Gou dwg Yehhozvaz, mwngz dih Cangqdiq; dwg gou daj Ngaihgiz, couh dwg mwngz youq Ngaihgiz guh hoiq hih mwnq, daiq mwngz okma he.

Ok Ngaihgiz 20:8

Ij geiqniemh ngoenzyietbaeg dwg ngoenz dwzbez he.

Ok Ngaihgiz 23:15

Mwngz ij souj aen ciet Cawz Yauqmuj he, ciuq gou raengq mwngz hih yienghmwnq ij youq ndwen Yaqbiz ndaw de soj dingh hih saedceij, gw caet ngoenz mij fat goq hih bingj. Bouxlawz cungj mbouj ndaej bi fawz hoengq daeuj bwiz gou, aenvih mwngz dwg youq ndwen neix daj Ngaihgiz ok ma he.

Ok Ngaihgiz 3:20

Gou ij yungh gij gienz ak gou ma guh gak cungj geizmiuj daeuj fad gyoengq vunz Ngaihgiz, yiengq goengjvuengz Ngaihgiz gajlaeng vanzlij dwg coengq faenhsou hih.

Ok Ngaihgiz 34:18

“Faenhsou ij souj aen ciet Cawz Yauqmuj he, ij ciuq gou raengq mwngz hih, youq ndwen Yaqbiz soj gveihdingq hih, ij gw caet ngoenz mij fat goq hih bingj, aenvih faenhsou dwg youq ndwen Yaqbiz ndaej ok Ngaihgiz ma he.

Ok Ngaihgiz 6:1

Yiengq Yehhozvaz couh doiq Mohsih naeuz: “Mwngz couh ijvanh yawjraen gou baenzlawz soujsib goengjvuengz lo. Gou ij yungh gij rengz, gij ak gou ma yaz de, ep de coengq gyoengqde okma, mbouj danhcij naeuz coengq okma, vanzlij ep de boenq gyoengqde ok mwnq dieg de ma.”

Ok Ngaihgiz 6:6

“Sojhij, mwngz ij dawz gij vah gou naeuz gij vunz Hijswzlez ni, naeuz: ‘Gou dwg Yehhozvaz. Gou ij daj gij vunz Ngaihgiz yaz hawj faenhsou dih diuz rap naek neix daiq faenhsou okma, dajlwh ndaw diuz lienh suj faenhsou mwnq gouq faenhsou okma. Gou ij yungh gij bonjsaeh miz gienz gou ma fad hawj gyoengqde ij rai ij lix bae ma cueg faenhsou.

Ok Ngaihgiz 6:7

Gou ij dawz faenhsou dangqguh gij beksingq bonjfaenh gou, gou caemh guh faenhsou dih Cangqdiq. Yienghneix faenhsou couh rox naeuz gou dwg Yehhozvaz, faenhsou dih Cangqdiq, dwg dajlwh laj diuz rap naek gij vunz Ngaihgiz yaz hawj faenhsou mwnq daiq faenhsou okma he dih Cangqdiq.

Ok Ngaihgiz 7:4

Yiengq gou couh yungh gij bonjsaeh gou ma fad gij vunz Ngaihgiz, fad hawj gyoengqde ij rai ij lix bae. Gajlaeng, gou couh daiq gij vunz Hijswzlez gou luj bing yienghmwnq baizdeiq hwj cingjcingj cizciz dajlwh mwnq dieg mwnq daiq okma.

Majdaiq Saw 10:12

Faenhsou haeuj ranzlawz bae, couh ij hoh fuk ranzlawz.

Luqgyah Saw 22:19

De gangj daengz dineix le, youhcaiq dawz aen bingj he hwnjdaeuj couh docih Cangqdiq. Docih le, couh euj hawj gyoengq dwzbaijyienz de, doiq gyoengqde naeuz: “Gij neix couh dwg daiqbiuj aen ndangdaej gou; dwg vih faenhsou hwj ngaiz vwt mingh dih ndangdaej. Vih ij geiqniemh gou, baezneix faenhsou caemh ij yienghneix guh.”

Gohlimzdoh It 11:24

docih Cangqdiq. Docih le, couh euj aen de couh naeuz: “Gij neix couh dwg daiqbiuj aen ndangdaej gou, dwg vih faenhsou hwj ngaiz vwt mingh dih ndangdaej. Vih ij geiqniemh gou, faenhsou ij yienghneix guh.”

Gohlimzdoh It 5:8

Sojhij gyoengqraeuz wnggai yungh gij bingj moq mij fat goq mij miz doeg he ma goq aen ciet neix. Couh dwg naeuz ndaw sim gyoengqraeuz mbouj wnggai miz doegdoeg siebsieb, dauq ij miz saedsaeh sinq ndaej goq he cij ndaej.

Hijfuzsoj Saw 1:19

Gou caemh gouz de hawj faenhsou ndaej rox daengz de doiq gyoengqraeuz doenghheij sinq de hih vunz soj guh hih baenxlai veijdaq baenxlai rengz. Gij rengz gij veijdaq neix